Ինչ է պատմում Լաուտարոն հորը Մխիթարյանից
Mon, 11 May 2026 12:45:34 +0400
Միլանի «Ինտերի» ավագ Լաուտարո Մարտինեսը ջերմ խոսքերով է անդրադարձել իր խաղընկեր, Հայաստանի ազգային հավաքականի նախկին ավագ Հենրիխ Մխիթարյանին՝ ընդգծելով նրա պրոֆեսիոնալիզմն ու մարդկային բարձր հատկանիշները։
Արգենտինացի հարձակվողի խոսքով՝ Մխիթարյանը օրինակ է ամբողջ թիմի համար։ Նա նշել է, որ հաճախ հոր հետ զրույցների ընթացքում խոսում է հանդերձարանի մթնոլորտի մասին և հատկապես առանձնացնում է հայ ֆուտբոլիստի աշխատասիրությունն ու համեստությունը։
Մարտինեսը շեշտել է, որ Մխիթարյանը, ունենալով մեծ ու հաջող կարիերա, շարունակում է պահպանել պարզ ու խոնարհ վերաբերմունք, ինչը մեծ ազդեցություն ունի թիմակիցների վրա։ Նրա խոսքով՝ «Ինտերի» ֆուտբոլիստները ամեն օր սովորում են Մխիթարյանից։
Լաուտարոն նաև նշել է, որ հույս ունի՝ հայ կիսապաշտպանը կկայացնի իր և ընտանիքի համար լավագույն որոշումը՝ հավելելով, որ Մխիթարյանը շատ մեծ ներդրում է ունեցել թիմի համար։