Լոնդոնն ընդլայնել է հակառուսական պատժամիջոցները
Mon, 11 May 2026 17:00:54 +0400
Մեծ Բրիտանիան ընդլայնել է իր հակառուսական պատժամիջոցների ցանկը 85 կետով, հայտարարել է Մեծ Բրիտանիայի ֆինանսների նախարարությունը։
Մասնավորապես, Լոնդոնը պատժամիջոցներ է կիրառել Ռուսաստանի սոցիալական նախագծերի գործակալության աշխատակիցների, «Դիալոգ» ոչ առևտրային կազմակերպության գործադիր տնօրեն Վլադիմիր Տաբակի, «Յունարմիա» շարժման աշխատակազմի ղեկավար Վլադիսլավ Գոլովինի, Երիտասարդության հարցերով դաշնային գործակալության ղեկավար Գրիգորի Գուրովի, Ռուսական ինտերնետի զարգացման ինստիտուտի, Երիտասարդական միջավայրի ուսումնասիրության և ցանցային մոնիթորինգի ռուսական կենտրոնի, Սևաստոպոլի պետական համալսարանի, Եվպատորիայի «Զդրավնիցա» առողջարանի, Նովոսիբիրսկի մարզի երեխաների իրավունքների հանձնակատար Նադիա Բոլտենկոյի և Խերսոնի մարզի երեխաների իրավունքների պաշտպան Իրինա Կրավչենկոյի նկատմամբ։
Ավելի վաղ հաղորդվել էր, որ Եվրամիությունը պատրաստում է Ռուսաստանի դեմ պատժամիջոցների 21-րդ փուլը։ Այն կարող է ներկայացվել հունիսի վերջին կամ հուլիսի սկզբին։