Առաջին անգամ 3-ը․ հեռուստահաղորդավարները՝ նոր վարչապետի խոսնակներ
Tue, 12 May 2026 05:00:27 +0400
Հունգարիայի վարչապետ Պետեր Մադյարը, որը պաշտոնը ստանձնեց մայիսի 9-ին, հայտարարել է կառավարության երեք խոսնակների նշանակման մասին:
Կառավարության մամուլի ծառայության մեջ են մտնում նախկին հեռուստահաղորդավարներ և լրագրողներ Վանդա Շոնդին, Էվա Մադյարը և Անիտա Կյոբյոլը։
«Հունգարիայի նոր կառավարությունը մտադիր է գործընկերային հարաբերություններ կառուցել լրատվամիջոցների հետ», – հայտարարել է նա։
Մադյարը նշանակված խոսնակներից յուրաքանչյուրին առանձին ներկայացրել է՝ նշելով նրանց մասնագիտական փորձը լրագրության և հեռուստատեսության ոլորտում։
Նա ընդգծել է, որ երեքն էլ «սովորել են հարցեր տալ, լսել, ստուգել տեղեկատվությունը և պատասխանատու կերպով տեղեկացնել հանրությանը»։
Այսպիսով, Պետեր Մադյարը հրաժարվեց վերջին տարիներին կառավարության միայն մեկ խոսնակ ունենալու պրակտիկայից: Նախորդ կառավարությունում այս պաշտոնը զբաղեցնում էր Զոլտան Կովաչը։