Էրդողանն նորից կոչ է արել փոխել Թուրքիայի սահմանադրությունը
Tue, 12 May 2026 06:00:34 +0400
Թուրքիայի նախագահ Ռեջեփ Թայիփ Էրդողանը կրկին շեշտել է նոր սահմանադրություն ընդունելու անհրաժեշտությունը։
Այս մասին գրում են թուրքական ԶԼՄ-ները։
«Մենք հնարավորություն ունենք մեր ժողովրդավարությունը կառուցելու ներքևից վերև՝ նոր, համապարփակ, լիբերալ և քաղաքացիական սահմանադրությամբ», – հայտարարել է Էրդողանը։
Նա ընդգծել է, որ նոր սահմանադրությունը պետք է արտացոլի երկրի ներկայիս քաղաքական իրողությունները և հանրապետությանը ապահովի «ամենաբարձր իրավական տրամաբանությամբ»։