Քաղաքապետը մեղադրվում է լրտեսության մեջ
Tue, 12 May 2026 22:00:04 +0400
ԱՄՆ Կալիֆորնիա նահանգում Արկադիա քաղաքի քաղաքապետ Էյլին Վենգին մեղադրել են Չինաստանի օգտին լրտեսության կատարման մեջ։ Նա, ըստ մեղադրանքի, սեփական լրատվական կայք է ունեցել՝ նախկին սիրեկանների հետ համատեղ եւ սպասարկել է Չինաստանի շահերը։ Այս մասին հայտնում է New York Post պարբերականը։ Քաղաքապետը չինական հատուկ ծառայությունների հետ համագործակցել է 2020-22 թվականներին եւ սկսել է իր լրատվական կայքում Չինաստանի մասին դրական լուրեր հրապարակել միայն։ Նրա լրատվական կայքը կոչվել է «ԱՄՆ Նորությունների կենտրոն»։
Այն հանդիսացել է հիմնական լրատվական աղբյուր ամերիկաբնակ չինացիների համար։ 2024 թվականին օտարերկրյա գործակալի եւ ԱՄՆ դեմ դավադրություն նյութելու մեղադրանքով ձերբակալվել էր քաղաքապետի նախկին փեսացուն, ով եւս ներգրավված է եղել այդ կայքի աշխատանքներում։ Այս տարվա փետրվարին նա դատապարտվել էր 4 տարվա ազատազրկման։ Էյլին Վենգն ընդունել է մեղքը եւ հեռացել քաղաքապետի պաշտոնից։ Եթե դատարանը նրա նկատմամբ մեղադրական ակտ կայացնի, ապա նա առաջիկա տասը տարիները կարող է անցկացնել բանտում։