Կոտայքում 52 պարեկի գործից հանել են
Wed, 13 May 2026 15:22:11 +0400
Դիլիջանում տեղի ունեցած ԲՀԿ-ի քարոզարշավի ընթացքում քաղաքացիներից մեկը դիմեց Գագիկ Ծառուկյանին՝ հետաքրքրվելով, թե ինչու են մարդիկ հաճախ խուսափում իրենց կարծիքը բարձրաձայնելուց կամ մոտենալու քաղաքական գործիչներին։
Ի պատասխան՝ Ծառուկյանը նշել է, որ իր գնահատմամբ՝ վախի պատճառը մարդկանց աշխատանքի և սոցիալական վիճակի հետ կապված հնարավոր հետևանքներն են։ Նրա խոսքով՝ մարդիկ մտավախություն ունեն, որ իրենց կամ իրենց ընտանիքի անդամների աշխատանքը կարող է վտանգվել քաղաքական դիրքորոշում արտահայտելու դեպքում։
Ծառուկյանը որպես օրինակ նշել է Կոտայքի մարզում արձանագրված դեպք, երբ, ըստ նրա, 52 պարեկային ծառայողներ ազատվել են աշխատանքից՝ այն պատճառով, որ նրանց հարազատները կամ ընտանիքի անդամները կապ են ունեցել իր քաղաքական թիմի հետ։