Կան կարեւոր հարցեր, որոնց շուրջ դիսկուրս չի գնում

Կան կարեւոր հարցեր, որոնց շուրջ դիսկուրս չի գնում

Wed, 13 May 2026 21:45:05 +0400


«Հրապարակի» զրուցակիցը քաղաքագետ Անդրիաս Ղուկասյանն է:

– Նախընտրական պայքարը թեժ փուլ է մտել: Նիկոլ Փաշինյանն ու որոշ քաղաքական ուժեր ամեն գնով փորձում են նախընտրական պրոցեսն անլրջացնել: Նախընտրական քարոզարշավին ի՞նչ գնահատական կտաք: Ձեր տպավորությամբ` այն ինչի՞ մասին է:

– Այն, ինչ տեղի է ունենում, տեղի է ունենում` դիտավորության արդյունքում, որպեսզի առաջնային կարևորություն ունեցող հարցերը հանրային տիրույթում չմնան: Քարոզարշավն իջեցրել են խիստ անհատական մակարդակի: «Դու ով, դու ով ես» մակարդակի վրա է այն: Սարսափելի են այն քաղաքական խնդիրները, որոնք առկա են այժմ Հայաստանի առջև: Կան հարցեր, որոնք այժմ արմատական նշանակություն ունեն: Հարց առաջին. ի՞նչ անել Վաշինգտոնում նախաստորագրված պայմանագրի հետ, փոխե՞լ այն, թե՞ չփոխել: Սա ֆունդամենտալ հարց է, որի շուրջ դիսկուրս չենք տեսնում: Ողջ աշխարհը տեղեկացավ այն մասին, որ Ռուսաստանի նախագահը Հայաստանին դրել է արտաքին քաղաքական վեկտորի ընտրության առջև: Պուտինն ասում է, որ Հայաստանը պետք է հստակեցնի` մնո՞ւմ է ԵԱՏՄ-ի կազմում, թե՞ ապահարզան է ներկայացնում և գնում է Եվրոպական միություն: Ակնհայտորեն քաղաքական ուժերն այս հարցին անդրադառնալուց խուսափում են:

– Ի՞նչ եք կարծում` իշխանությունները ո՞ր ուղղությամբ են ցանկանում շարժվել: Գնալ դեպի ԵՄ, թե՞ շարունակել մնալ ԵԱՏՄ-ի հետ:

– Եթե Ռուսաստանի դիրքերից նայենք, ապա Հայաստանը Ռուսաստանի համար կարևոր է որպես առևտրի պատուհան: Պրոռուսական քաղաքական ուժերը, ինչպես նաև իշխող ուժը, ձևաչափը պահպանելու պատվեր ունեն: Հայաստանը պետք է ցուցադրի, թե իբրև համագործակցում է Եվրոպայի հետ, բայց այդ ճանապարհը պետք է լինի հնարավորինս երկար ու անորոշ: Քաղաքական առումով Ռուսաստանի համար կարևոր է Հայաստանում ՎԵՏՕ-ի իրավունքի պահպանումը: Ռուսաստանի համար ցանկալի է, որ ներկայիս իշխանությունները վերարտադրվեն, իսկ պրոռուսական քաղաքական ուժերը խորհրդարանում ավելի մեծ տեղ զբաղեցնեն, քան հիմա է: Ռուսաստանի համար դա կլինի ամենաապահով տարբերակը:

– Իսկ ընտրություններին մասնակցող հիմնական խաղացողներն ի՞նչ շանսեր ունեն:

– Բարդ հարց է, քանի որ հանրության մեջ տարբեր տրամադրություններ կան ձևավորված: Բազմաթիվ քաղաքացիներ հիասթափված են իշխանություններից: Իրականում այն հարցումները, որոնք հրապարակվում են` մակերեսային հարցերի մասին են և այնքան էլ խորքային չեն, խորքային հարցերը մնում են չբացահայտված: Մեր հանրության մեջ կա մի զգալի հատված, որն էապես կապված է ՌԴ-ի հետ, կա նաև մի շերտ, որը չունի նման կախվածություններ և Հայաստանը ցանկանում է տեսնել Եվրոպայի կողքին: Բավականին տարբեր կարծիքներ են հնչում և իրապես տեսանելի չէ, թե ինչ պատկեր ունենք: Իսկ սոցիոլոգիական հարցումները գրեթե միշտ չեն արտացոլում իրականությունը:

© 2026 Secure News Portal

Source: Hraparak

Hraparak.am

Recent Posts

«Հրապարակ»․ Անիի երեխաները վախենում են Սիսիան վերադառնալուց

«Հրապարակ»․ Անիի երեխաները վախենում են Սիսիան վերադառնալուց Sat, 21 Nov 2026 10:00:21 +0400 Շաքիի դեպքից…

17 րոպե ago

«Հրապարակ»․ Սրա համար Հայկ Նահապետից մինչեւ Գարեգին Նժդեհ` կոնֆլիկտ ստեղծողներ են

«Հրապարակ»․ Սրա համար Հայկ Նահապետից մինչեւ Գարեգին Նժդեհ` կոնֆլիկտ ստեղծողներ են Sat, 21 Nov 2026…

32 րոպե ago

«Հրապարակ»․ Եթե հանրաքվեն կայանա, նա հաղթելու է ռեպրեսիաներով, կեղծիքով

«Հրապարակ»․ Եթե հանրաքվեն կայանա, նա հաղթելու է ռեպրեսիաներով, կեղծիքով Sat, 21 Nov 2026 09:15:21 +0400…

1 ժամ ago

Անելանելի վիճակ

Անելանելի վիճակ Sat, 21 Nov 2026 09:00:19 +0400 Փակուղին, որում իր գործողությունների ու վարած քաղաքականության…

1 ժամ ago

«Հրապարակ»․ Նոր սահմանադրության մեջ գրվա՞ծ է, որ անձը չի կարող 10 տարուց ավելի պաշտոնավարել

«Հրապարակ»․ Նոր սահմանադրության մեջ գրվա՞ծ է, որ անձը չի կարող 10 տարուց ավելի պաշտոնավարել Sat,…

2 ժամ ago

«Հրապարակ»․ Նախկին մարզպետի եղբայրը՝ ծառայության պետ

«Հրապարակ»․ Նախկին մարզպետի եղբայրը՝ ծառայության պետ Sat, 21 Nov 2026 08:20:42 +0400 Երեկ տեղեկացանք, որ,…

2 ժամ ago