Սա պարզապես խնդիր չէ, սա անգործության հետևանք է
Thu, 14 May 2026 12:29:30 +0400
Երևանի ավագանու «Մայր Հայաստան» խմբակցության անդամ, «Հայաստան» դաշինքի պատգամավորության թեկնածու Մեսրոպ Մանուկյանը անդրադարձել է մայրաքաղաքի բնապահպանական խնդիրներին՝ նշելով, որ աղբավայրերը գտնվում են քաղաքի ծայրամասերում, սակայն դրանց հետևանքով առաջացած աղտոտված օդը հասնում է քաղաքի կենտրոն։
Նա հրապարակել է նաև տեսանյութ և ընդգծել, որ վերջին ութ տարիներին իշխանությունները զգալիորեն ավելացրել են արտաքին պարտքը, սակայն կարևոր խնդիրները մինչ այժմ լուծում չեն ստացել։ Մանուկյանի խոսքով՝ ստեղծված իրավիճակը անգործության արդյունք է, և այլևս արդարացումների ժամանակը անցել է, քանի որ անհրաժեշտ է գործնական քայլեր ձեռնարկել։
«Սա պարզապես խնդիր չէ, սա անգործության հետևանք է»,- նշել է նա: