Մահացել է ՀՀ ժողովրդական արտիստ Նիկոլայ Ծատուրյանը

Մահացել է ՀՀ ժողովրդական արտիստ Նիկոլայ Ծատուրյանը

Thu, 14 May 2026 21:40:13 +0400


81 տարեկան հասակում մահացել է ՀՀ ժողովրդական արտիստ, ռեժիսոր, Երևանի թատրոնի և կինոյի պետական ինստիտուտի դասախոս, պրոֆեսոր Նիկոլայ Ծատուրյանը։

Նիկոլայ Ծատուրյանը ծնվել է 1945 թ.-ի հունվարի 8-ին Երևանում։

Սովորել և ավարտել է Երևանի գեղարվեստաթատերական ինստիտուտի ռեժիսորական բաժինը (ղեկ.՝ Վարդան Աճեմյան), վարպետաց դասեր է ստացել Մոսկվայում (ուսանել է Անդրեյ Տարկովսկու, Սիմյոն Թումանովի և Գեորգի Դանելիայի մոտ)։

Նիկոլայ Ծատուրյանն աշխատել է Երևանի «Հայֆիլմ» կինոստուդիայում Հենրիկ Մալյանի, Ֆրունզե Դովլաթյանի և Վարդան Աճեմյանի հետ՝ հանդիսանալով նաև «Մենք ենք, մեր սարերը», «Սարոյան եղբայրներ» և «Ժայռ» ֆիլմերի երկրորդ ռեժիսոր։ Որպես ստաժոր՝ «Մոսֆիլմ» կինոստուդիայում աշխատել է նաև Յուլի Ռայզմանի ֆիլմում։
Երևանի Գ. Սունդուկյանի անվան ազգային ակադեմիական թատրոնում Նիկոլայ Ծատուրյանն աշխատել է որպես ռեժիսոր՝ բեմադրելով շուրջ 25 ներկայացումներ․ լավագույններից են Վ. Դավթյանի «Ծիրանի ծառը», Վ. Սարոյանի «Ձեր կյանքի ժամերը», Ա. Օստրովսկու «Կատաղի փողերը», Բոմարշեի «Ֆիգարոյի ամուսնությունը», Մ. Շատրովի «Կապույտ նժույգները կարմիր մարգագետնի վրա», Ա. Աղասարյանի «Փրկեք մեր հոգիները» և այլն։

Նա դասավանդել է նաև Գ. Սունդուկյանի անվան թատրոնին կից դերասանական ստուդիայում, 1992-2004 թթ. աշխատել Երևանի «Մետրո» թատրոնում՝ որպես ռեժիսոր։ Այդ տարիների լավագույն բեմադրություններից են Ա. Աղասարյանի «Ուիլլի, Թիթի, Ջիգ ու երեքն էլ մի աղջիկ», Ժան Պոլ Սարտրի «Դռնփակ», Մ. Պանյոլի «Տոպազ», Հ. Մարգարյանի «Եվ երկինքեն երեք աթոռ ինկավ» ներկայացումները։

Նա բեմադրություններ է իրականացրել նաև Մոսկվայում, Կիևում, Վրաստանում, Բեյրութում և Նյու Յորքում։ Շուրջ 20 տարի համագործակցել է Հալեպի «Պետրոս Ադամյան» թատերախմբի հետ՝ բեմադրելով 22 ներկայացումներ։
Նկարահանվել է «Պատահար» և «Ընկեր Փանջունի» ֆիլմերում (ռեժ.՝ Ա. Մանարյան): Նիկոլայ Ծատուրյանը երկար տարիներ եղել է Գյումրու Վ. Աճեմյանի անվան պետական դրամատիկական թատրոնի գեղարվեստական ղեկավարը, 2014 թ.-ից մինչ օրս նույն թատրոնի գեղարվեստական խորհրդատուն է։

Լավագույն բեմադրություններն են՝ Կալինոսկու «Հրեշը լուսնի վրա», Ֆ. Դյուրենմաթի «Հերակլեսի չիրագործված սխրանքը», Ա. Քալանթարյանի «Բումերանգը», Կ. Խոդիկյանի «Ինչպես կինը փախավ տնից», Հ. Մարգարյանի «Եվ երկինքեն երեք աթոռ ինկավ», Գ. Սունդուկյանի «Փուղի զորութինը», Վ. Կրասնագորովի «Սիրո Casting», Ս. Կոսյանի «Թռիչքը», Ու․ Գիբսոնի «Հրաշագործը», Ա. Աղասարյանի «Երեք անունով մի աղջիկը»:

© 2026 Secure News Portal

Source: Hraparak

Hraparak.am

Recent Posts

Սուպերմոդելը վաճառել է մահացած որդու տունը

Սուպերմոդելը վաճառել է մահացած որդու տունը Tue, 17 Nov 2026 22:30:26 +0400 Ամերիկացի սուպերմոդել Սինդի…

9 րոպե ago

ՔՊ-ն Սաֆարով փառաբանող երկրի թելադրանքով հայ ժողովրդին փորձում է պարտադրել ալիևյան սահմանադրություն

ՔՊ-ն Սաֆարով փառաբանող երկրի թելադրանքով հայ ժողովրդին փորձում է պարտադրել ալիևյան սահմանադրություն Tue, 17 Nov…

12 րոպե ago

«Հարրի Փոթեր» սերիալի նոր հատվածը հայտնվել է համացանցում և արժանացել բացասական արձագանքի

«Հարրի Փոթեր» սերիալի նոր հատվածը հայտնվել է համացանցում և արժանացել բացասական արձագանքի Tue, 17 Nov…

16 րոպե ago

Աստված թող իրենց երկար կյանք տա, բայց ռադ լինեն` գնան

Աստված թող իրենց երկար կյանք տա, բայց ռադ լինեն` գնան Tue, 17 Nov 2026 22:15:00…

25 րոպե ago

Ռոբերտ Փաթինսոնը կմարմնավորի նոր Ջեյմս Բոնդին

Ռոբերտ Փաթինսոնը կմարմնավորի նոր Ջեյմս Բոնդին Tue, 17 Nov 2026 22:07:36 +0400 Ռոբերտ Փաթինսոնը կխաղա…

32 րոպե ago

Հստակեցրել են հարվածի ենթակա թիրախները

Հստակեցրել են հարվածի ենթակա թիրախները Tue, 17 Nov 2026 22:00:09 +0400 Իրանը դիտարկելու է ցանկացած…

39 րոպե ago