Պուտինին Պեկինում սովորականի պես են ընդունելու․ ինչ է հայտնի
Fri, 15 May 2026 12:30:11 +0400
Ռուսաստանի նախագահ Վլադիմիր Պուտինի մեկօրյա այցը Պեկին սպասվում է հաջորդ շաբաթվա վերջին՝ մայիսի 20-ին, հաղորդում է South China Morning Post-ը՝ հղում անելով աղբյուրներին։
Հրապարակման աղբյուրների համաձայն՝ Պուտինի այցը Չինաստան Մոսկվայի և Պեկինի միջև սովորական շփումների մաս է կազմում, ուստի Ռուսաստանի նախագահի ժամանումը նշելու համար շքերթ կամ պաշտոնական ընդունելություն չի սպասվում։
Հրապարակումը նշում է, որ սա առաջին դեպքն է, երբ Չինաստանը նույն ամսվա ընթացքում հյուրընկալում է երկու տերությունների ղեկավարներին։
Սա, ըստ հրապարակման, Պեկինի՝ Ռուսաստանի և Միացյալ Նահանգների հետ կապերը կարգավորելու ջանքերի համատեքստում է։
Հիշեցնենք, նախօրեին Չինաստան էր այցելել նաև ԱՄՆ նախագահ Դոնալդ Թրամփը։