Բանտում մահացել է 800 հազար մարդու կոտորածի մեղսակից Կաբուգան
Mon, 18 May 2026 13:00:44 +0400
Ֆելիսիեն Կաբուգան, որին միջազգային դատարանը մեղադրում էր 1994 թվականի Ռուանդայի ցեղասպանությանը մեղսակից լինելու մեջ, մահացել է Հաագայի կալանքի տակ՝ 93 տարեկան հասակում, հաղորդում է Reuters-ը։
Կաբուգան ձերբակալվել է Ֆրանսիայում 2020 թվականին՝ ավելի քան 20 տարի հետախուզման մեջ գտնվելուց և Նիդերանդներին արտահանձնվելուց հետո։ Հետաքննիչները նրան համարել են ցեղասպանության հիմնական կազմակերպիչներից մեկը, որի ընթացքում 100 օրվա ընթացքում սպանվել է ավելի քան 800,000 տուտսի և չափավոր հութու։ Մեղադրողները պնդում էին, որ նա ֆինանսավորել է հութու աշխարհազորայիններին և ատելության խոսք տարածել ռադիոկայաններով։
2023 թվականին դատարանը Կաբուգային անպիտան է ճանաչել դատավարության համար՝ դեմենցիայի պատճառով։ Նա նաև համարվել է չափազանց ծանր հիվանդ՝ Ռուանդա վերադարձնելու համար։ Քանի որ ոչ մի երկիր չի համաձայնվել ընդունել նրան, նա մնացել է Հաագայի ՄԱԿ-ի կալանքի կենտրոնում։ Դատարանը հայտարարել է, որ կարգադրել է հետաքննություն անցկացնել Կաբուգայի մահվան հանգամանքների վերաբերյալ։