Մեկնարկել են Բելառուսի և ՌԴ-ի միջուկային համատեղ վարժանքները
Mon, 18 May 2026 14:00:14 +0400
Բելառուսի զինված ուժերը սկսել են Ռուսաստանի հետ համատեղ համագործակցության վարժանքներ՝ հատուկ միջուկային զինամթերքի մատակարարման հարցերով, հայտարարել է Բելառուսի պաշտպանության նախարարությունը։
Մարտական պատրաստության վարժանքներին մասնակցում են ինչպես հրթիռային ուժերը, այնպես էլ ռազմական ավիացիան։
«Միջոցառմանը մասնակցում են հրթիռային ուժերի և ավիացիայի ռազմական ստորաբաժանումներ։ Վարժանքների ընթացքում, ռուսական կողմի հետ համագործակցությամբ, նախատեսվում է վարժանքներ անցկացնել միջուկային զինամթերքի մատակարարման և դրանց օգտագործման նախապատրաստման վերաբերյալ», – ասվում է հայտարարության մեջ։
Նախարարությունը նշել է, որ վարժանքների նպատակն է բարելավել անձնակազմի պատրաստվածության մակարդակը, ստուգել զենքի, ռազմական և հատուկ տեխնիկայի մարտական պատրաստությունը և կազմակերպել մարտական տեղակայումը չպլանավորված տարածքներից։