Ու էսի երկրի ղեկավա՞ր ա կոչվում
Mon, 18 May 2026 13:52:22 +0400
«Ուժեղ Հայաստան» կուսակցության անդամ Ալիկ Ալեքսանյանը քննադատել է վարչապետ Նիկոլ Փաշինյանի պահվածքը՝ անդրադառնալով վերջին օրերի քաղաքական միջադեպերին։
Նա նշել է, որ իր գնահատմամբ երկրում ձևավորվել է անթույլատրելի իրավիճակ, և հարց է բարձրացրել, թե որքան կարող է շարունակվել նման ամենաթողությունը։ Ալեքսանյանի խոսքով՝ մտահոգիչ է հատկապես այն, թե ինչպես է վարչապետը շփվում քաղաքացիների, այդ թվում՝ կանանց հետ՝ պնդելով, որ հնչել է կոշտ վարքագիծ։
Քաղաքական գործիչը նաև հարցականի տակ է դրել երկրի ղեկավարի վարքագծի համապատասխանությունը պաշտոնին՝ ընդգծելով, որ Հայաստանը կարիք ունի հավասարակշռված, կիրթ և ազգային արժեքներին հավատարիմ առաջնորդի։
«Տեսեք՝ ինչպես է իրեն պահում հայ կնոջ հետ՝ քաշքշում է, գոռում, էս ի՞նչ ա: Ու էսի երկրի ղեկավա՞ր ա կոչվում»,- ասել է նա՝ անդրադառնալով այսօր Արաբկիրում տեղի ունեցածին: