Չեմ հավատում՝ կասեին Ստանիսլավսկին և Մարուքյանը

Չեմ հավատում՝ կասեին Ստանիսլավսկին և Մարուքյանը

Mon, 18 May 2026 22:45:49 +0400


Ոչ միայն Ստանիսլավսկին, այսօր Էդմոն Մարուքյանն էլ ասաց՝ չեմ հավատում՝ տեսնելով, թե «ինչ-որ դիմակավորված մարդիկ սարսափելի բաներ են խոսում», իբրև ահաբեկչական խմբեր կան և վտանգ են ներկայացնում իշխանության համար։ Սա վատ բեմադրություն է, այնքան վատ, որ Ստանիսլավսկին հաստատ չէր հավատալու, բայց, երբ դա ասում է Մարուքյանը, հասկանում ես, որ նա տեսնում է մի բան ավելի՝ կադրից դուրս, քանի որ ճանաչում է շատ մոտիկից այն մարդկանց, ովքեր, ըստ իր կասկածի, բեմադրել են այս կեղծ շանտաժը։ Նա գիտի մեթոդները, որոնցով առաջնորդվում է իր նախկին ընկերն ու զինակիցը, գիտի, որ նրանք կանեն այդպիսի բան՝ առանց վարանելու։ Եվ ես հավատում եմ Մարուքյանին, երբ նա ասում է․ «Չեմ հավատում ձեզ, սուտ եք խոսում, ուզում եք ատելության մեջ թաղեք հանրությանը, և միայն ձեր ձայնը լսվի․․․»։

Իրականում, ոչ ոք էլ ի վիճակի չէ հավատալ այդ դիմակահանդեսին։ Վրեժի և արյան ծարավ մարդիկ չեն կանգնում, իրենք իրենց նկարում ու ասում տեքստեր, որոնց մեծ մասը բոլորն էլ ասում են՝ նորություն չեն։ Ինչո՞ւ են նրանք վտանգի տակ դնում իրենց ծրագրերը՝ անիմաստ վիդեոնկարահանման համար, ի՞նչ էր դա տալու իրենց պայքարին, բացի այն, որ հայրենասիրական տեքստը դարձնում են ահաբեկչական տեքստ, և հայրենիքի մասին մտահոգությունները դարձնում վտանգ ներկայացնող ու հետապնդելի, անգամ՝ դատապարտելի. ուրիշ՝ ոչինչ։

Էլ չխոսենք նրա մասին, որ ահաբեկիչների համար ամենևին ձեռնտու չէ բացահայտել իրենց պլանները ու դրանով իսկ ավելի պաշտպանված դարձնել իրենց թիրախին։ Դա չէր անի անգամ ամենահիմար ահաբեկիչը, իսկ արցախյան ակցենտով խոսող մարդիկ այդքան հիմար չեն կարող լինել, թող իմանան՝ արցախյան ակցենտից սարսափողները։ Այո՛, զարմանալի է, որ արցախցի մարդ է մասնակցում այդ թատերական խայտառակությանը, բայց մի՞թե արցախցիների մեջ չկան ներկա իշխանությանը պաշտպանողներ։ Կան, որքան էլ դա անհավատալի թվա։
Շարունակենք զարգացնել այս տեսանյութին չհավատալու հիմնավորումները։

Ո՞վ է ամենաշատն այս երկրում սիրում նկարահանումներ, բեմադրություններ, լայվեր, կեղծ ամուսնություններ, բաժանություններ, սրտիկներ, սիրո խոստովանություններ և այլն․․․ այնպես, որ հանրությունը դրան չհավատաց։ Այսպիսի տեսագրության շրջանառությունը ձեռնտու է միայն մեկ քաղաքական ուժի՝ իշխողին, որպեսզի իր բացահայտ սպառնալիքները՝ «սատկացնելու ենք, կզզացնելու ենք» և այլն, կարողանան գործի դնել։ Սա՝ գործնականում։ Իսկ տեսականորեն՝ այս տեսանյութը հարմար է, որպեսզի արցախցի մեր եղբայրների ու քույրերի բերանը փակեն, ինչպես արդեն արեցին. դեռ տեսանյութը չտարածված՝ արդեն «արցախյան ակցենտը» դարձրեցին ահաբեկչական ակցենտ։ Սա լավ հնարավորություն կարող էր դառնալ բոլոր արցախցիներին վարկաբեկելու համար՝ ասելով՝ «Դուք ահաբեկիչ եք, ուզում եք իշխանություն զավթեք, անօրինական գործողություններ եք հրահրում», ու լավ առիթ կարող էր լինել զոհի դեր ստանձնելու համար, բայց չեղավ, քանի որ շարժապատկերը ցայտուն կեղծ է։

Համենայն դեպս, Մարուքյանը, օրինակ, ոչ մի կերպ դրան չի հավատում, ես էլ հավատում եմ Մարուքյանին։
Այսօր հիստերիան պատել է միայն իշխանական կողմին, նրանք դիմում են պլան B-ին, C-ին, D-ին, և դեռ հայտնի չէ, թե քանի պլան ունեն պահած առաջիկա 20 օրերին գործարկելու համար։ Բայց նրանք չունեն իշխանությունը զիջելու որևէ պլան, դա չի դիտարկվում իրենց կողմից, ուրեմն պատրաստ եղեք ամեն ինչի, քանի որ մեր առջև կանգնած են բացառապես ամեն ինչի պատրաստ մարդիկ։

Իսկ եթե կան ահաբեկիչներ, թող օր առաջ նրանք բռնվեն, քանի որ միայն խանգարում են հանգիստ ու հավասարակշիռ ընդդիմադիր պայքարին, խանգարում են իշխանության նկատմամբ այլախոհության օրինական հաղթանակին, խանգարում են նորմալ ընտրություններով իշխանափոխության հասնելու հասունացող հույսին։ Թող երիցս անիծվեն ահաբեկիչները, եթե կան, բայց մենք չենք հավատում, թե նրանք իրականում կան։

© 2026 Secure News Portal

Source: Hraparak

Hraparak.am

Recent Posts

Հայ-ամերիկյան տեխնոլոգիական համագործակցությունը՝ նոր պահանջների պայմաններում

Հայ-ամերիկյան տեխնոլոգիական համագործակցությունը՝ նոր պահանջների պայմաններում Thu, 19 Nov 2026 18:45:50 +0400 Նոյեմբերի 15-ին ԱՄՆ-ն,…

12 րոպե ago

Ամերիկյան ավիակիր ռազմանավը հեռացել է ռեգիոնից

Ամերիկյան ավիակիր ռազմանավը հեռացել է ռեգիոնից Thu, 19 Nov 2026 18:30:18 +0400 Ամերիկյան ռազմական հարվածային…

28 րոպե ago

«Ջեք-փոթ» ա ՔՊ-ի համար, էդ ո՞նց ա լինում՝ մենակ իշխանավորի ընտանիքի անդամն ա տենդեր շահում․ Յոլյան

«Ջեք-փոթ» ա ՔՊ-ի համար, էդ ո՞նց ա լինում՝ մենակ իշխանավորի ընտանիքի անդամն ա տենդեր շահում․…

31 րոպե ago

Հավը երազում կորեկ է տեսնում

Հավը երազում կորեկ է տեսնում Thu, 19 Nov 2026 18:15:47 +0400 Որ ԱԺ ընտրություններում սահմանադրական…

43 րոպե ago

Հետ բերե՛ք ծախողին էլ, առնողին էլ, հետ չբերողին էլ. Մեսրոպ Մանուկյան

Հետ բերե՛ք ծախողին էլ, առնողին էլ, հետ չբերողին էլ. Մեսրոպ Մանուկյան Thu, 19 Nov 2026…

54 րոպե ago

Սուրեն Պապիկյանը չի կարողանում բանակում կանխել մահերը․ Անուշ Միրզոյան

Սուրեն Պապիկյանը չի կարողանում բանակում կանխել մահերը․ Անուշ Միրզոյան Thu, 19 Nov 2026 18:02:12 +0400…

56 րոպե ago