Իմ հանդեպ տեղի ունեցողը Զելենսկու թելադրանքով է
Thu, 21 May 2026 18:39:51 +0400
Անդրանիկ Թևանյանը հավաք-երթից առաջ անդրադարձել է իր և ԲՀԿ առաջնորդ Գագիկ Ծառուկյանի հասցեին հնչող մեղադրանքներին՝ դրանք անվանելով կեղծ և անհիմն։ Նրա խոսքով՝ քաղաքական թիմը շարունակում է մնալ միասնական և չի պատրաստվում շեղվել իր որդեգրած ճանապարհից։
Թևանյանը հայտարարել է, որ իրենց կողմնակիցներին կոչ են անում ավելի համախմբված լինել:
Նա նաև պնդել է, թե իր դեմ իրականացվող գործողությունները պայմանավորված են Ուկրաինայի նախագահ Վլադիմիր Զելենսկու ազդեցությամբ։ Ըստ Թևանյանի՝ Ուկրաինայի ղեկավարությունը դժգոհ է եղել Դոնբաս կատարած իրենց այցից, որն իրականացվել էր տեղի հայ համայնքի հրավերով։
Քաղաքական գործիչը շեշտել է, որ Ռուսաստանը Հայաստանի ռազմավարական դաշնակիցն է, իսկ Դոնբաս կատարած այցի հիմնական նպատակը այնտեղ բնակվող հայերի հետ հանդիպումն էր։
«Այս լկտի մեղադրանքը պայմանավորված է Զելենսկու թելադրանքով: Տխրահռչակ Զելենսկին, որ Ուկրաինան ավերակների է վերածել ու իր երկիրը դարձրել մանրադրամ, երևանյան այցի ժամանակ խնդիր է դրել կոնկրետ իմ դեմ գործողություն անելու»,-ասել է նա: