Երբ չունես մեկը, որ քեզ ասի՝ «կանգ առ», դու խորտակվում ես

Երբ չունես մեկը, որ քեզ ասի՝ «կանգ առ», դու խորտակվում ես

Fri, 22 May 2026 14:45:49 +0400


Առավոտ շուտ զանգում են ինձ։ Զանգողը 90-ն անց մի պատկառելի հայ է, որը ժամանակին զբաղեցրել է կարևոր պաշտոններ։ Ինչ-որ դեպք է պատմում, «քունը գլխիս» չեմ հասկանում, թե դրանով ինչ է ուզում ասել։ Փորձենք հասկանալ․

«Մարշալ Հովհաննես Բաղրամյանը, ինչքան հիշում եմ՝ 60-ական թվականներն էին, Վայքի Ազատեկ գյուղ է գնում։ Ինձ պատմել է այն ժամանակվա Ազատեկ գյուղի սովխոզի դիրեկտորը։ Արփա գետի ափին ճոխ հյուրասիրություն են կազմակերպում։ Թթի մաքուր օղի են հյուրասիրում։ Լավն է լինում, մարշալը առաջին բաժակը խմում է։ Երկրորդն են լցնում։ Թիկնապահն աննկատ երկրորդ բաժակի պարունակությունը թափում ու ջուր է լցնում։ Սովխոզի դիրեկտորը տեսնում է, որ մարշալը նկատում է, բայց ձեն չի հանում։ Լուռ ու մունջ հնազանդվում է թիկնապահին։

Մարշալի թիկնապահը հայ է լինում։ Հետագայում, երբ նույն մարդը մի այլ առիթով թիկնապահին հիշեցնում է դեպքի մասին, նա ժպտում է․ «Ցանկացած մարդ էլ գայթակղություն կարող է ունենալ, կարող է սխալվել։ Նրան մոտիկ կանգնած մարդը չպետք է թույլ տա»։

Ինչևէ, որպես սովորական մի դրվագ լսում եմ։ Բայց երբ թերթում եմ օրվա լրահոսը՝ նախընտրական շեմին ձերբակալությունները, նոր հասկանում եմ, թե ինչ էր ուզում դրանով հասկացնել տարիների մեծ փորձ ունեցող, իմաստնացած մարդը և ինչու էր անընդհատ ասում՝ «աչքս չտեսներ»։

Ամեն մարդու կողքին, առավել ևս ղեկավարի, պետք է լինեն մարդիկ, որոնք անհրաժեշտ պահին կասեն՝ «այ մարդ, սխալ ես անում»։ Իշխանությունը ղեկավարի շուրջը շատ արագ լռություն է ստեղծում, ու նրա շուրջ եղածները սկսում են միայն համաձայնել։ Դա ամենավտանգավոր պահն է, որը ղեկավարի անդունդ է տանում։ Այսօր շատ են ասում՝ Փաշինյանի կողքին մեկը չկա՞, որ ասի՝ ի՞նչ ես անում, ինչու՞ ես քո ժողովրդի համար այդքան ատելի, անտանելի դառնում։ Ինչու՞ ես մարդկանց բերանը փակում, որ չխոսեն։ Ինչու՞ ես ձերբակալում քո երեսին ճշմարտությունն ասող մարդկանց։ Նրանք ոչ քեզ թշնամի են, այլ քո սխալները տեսնողն ու բարձրաձայնողը։ Երբ սկսում ես մեկ-մեկ չեզոքացնել, ձերբակալել կամ լռեցնել քեզ քննադատողներին, վերջում մնում ես միայն քո արձագանքի հետ։ Իսկ մարդը, որը այլևս հակադարձ խոսք չի լսում, կամաց-կամաց սկսում է հավատալ, որ երբեք չի սխալվում։ Դա ամենավտանգավոր վիճակն է ցանկացած ղեկավարի համար, որի մեջ հայտնվել է Նիկոլ Փաշինյանը։

Ուժեղ մարդը նա չէ, ում ոչ ոք չի վերահսկում։ Ուժեղ մարդը նա է, ով իր կողքին պահում է մարդկանց, որոնք անհրաժեշտ պահին կարող են իրեն կանգնեցնել։ Անահիտ Ավանեսյանը կամ Նիկոլի նշանակած ցանկացած նախարար, իրականում ծառայություն չեն մատուցում նրան։ Նրանք տեսնում, գիտակցում են, թե նա ինչ է անում, բայց լռություն են պահում, դրանով իսկ նրան ավելի մոտեցնելով անդունդին։ Երբ այլևս չկա մեկը, որ երկրորդ բաժակը ձեռքիցդ վերցնի, մի օր արդեն ոչ ոք չի լինելու, որ ասի՝ «բավական է»։ Ինպես այսօր է, երբ իշխանությունը կորցրել ոչ միայն չափի զգացումը, այլ նաև իրականության հետ կապը։

© 2026 Secure News Portal

Source: Hraparak

Hraparak.am

Recent Posts

Նիկոլին այլևս իր ընտրողները չեն հետաքրքրում

Նիկոլին այլևս իր ընտրողները չեն հետաքրքրում Fri, 20 Nov 2026 00:15:06 +0400 Շատ ընդդիմադիրներ կարծում…

5 ժամ ago

Նախ վերացրեք քաղաքական հետապնդումների գործիքները, հետո խոսեք հանրաքվեից. փաստաբան

Նախ վերացրեք քաղաքական հետապնդումների գործիքները, հետո խոսեք հանրաքվեից. փաստաբան Fri, 20 Nov 2026 00:05:57 +0400…

6 ժամ ago

Մրայա Քերին քննադատության է արժանացել Բրազիլիայում ունեցած տարօրինակ ելույթից հետո

Մրայա Քերին քննադատության է արժանացել Բրազիլիայում ունեցած տարօրինակ ելույթից հետո Thu, 19 Nov 2026 23:45:44…

6 ժամ ago

Մարսի վրա տարօրինակ գոյացություններ են հայտնաբերվել

Մարսի վրա տարօրինակ գոյացություններ են հայտնաբերվել Thu, 19 Nov 2026 23:30:11 +0400 Գիտնականները Մարս մոլորակի…

6 ժամ ago

Հայտարարի՛ր՝ հրաժարական եմ տալիս, թող ինձանից հետո փոխվի Սահմանադրությունը

Հայտարարի՛ր՝ հրաժարական եմ տալիս, թող ինձանից հետո փոխվի Սահմանադրությունը Thu, 19 Nov 2026 23:25:54 +0400…

6 ժամ ago

Տիմատին գնել է բացառիկ Ferrari F50 մեքենա

Տիմատին գնել է բացառիկ Ferrari F50 մեքենա Thu, 19 Nov 2026 23:23:06 +0400 43-ամյա ռեփեր…

6 ժամ ago