«Աչքիս վերջում գլխավոր պապան է գալու»
Mon, 25 May 2026 12:53:56 +0400
Քարոզարշավի ընթացքում լրագրողների հետ ճեպազրույցում «Միասնության թևեր»-ի առաջնորդ Արման Թաթոյանը քննադատեց գործող իշխանություններին՝ պնդելով, որ նրանք, իր խոսքով, անընդհատ թիրախավորում են ընդդիմադիր ուժերին՝ դա ծառայեցնելով իրենց քաղաքական շահերին։
Նա նշեց, որ իշխանությունները, իր գնահատմամբ, արտաքին գործընկերների ներգրավմամբ փորձում են քաղաքական ազդեցություն ստեղծել երկրում՝ հիշատակելով տարբեր միջազգային պաշտոնյաների այցելությունները։ Թաթոյանի խոսքով՝ այդ գործընթացում ներգրավվում են նաև տարբեր ազդեցիկ գործիչներ, ինչը, նրա կարծիքով, օգտագործվում է ներքաղաքական քարոզչական նպատակներով։
Ելույթի վերջում նա հավելեց, որ ստեղծված իրավիճակում արտաքին ազդեցությունների դերը չափազանց մեծ է դարձել՝ նշելով, որ դա արդեն զգալի ազդեցություն է ունենում ներքին քաղաքական զարգացումների վրա։
«Ընկել ես քեռիներիդ, հոպարներիդ ես բերում՝ ԱՄՆ պետքարտուղար Ռուբիոն է գալիս, Վենսն է գալիս, Մակրոնն է գալիս, գլխավոր պապան էլ Ալիևն է, որը Բաքվում նստած է ու աչքիս այնպես է լինելու, որ վերջում գլխավոր պապան էլ է գալու իր համար այստեղ քարոզարշավ անի»,- ասել է նա: