Եթե սա հաղթանակի զորահանդես է, որտե՞ղ է հաղթանակը…

Եթե սա հաղթանակի զորահանդես է, որտե՞ղ է հաղթանակը…

Mon, 25 May 2026 13:15:24 +0400


Մայիսի 28-ին նախատեսվող զորահանդեսը Հայաստանում դարձել է ոչ միայն պետական միջոցառում, այլ քաղաքական ու հոգեբանական քննարկման թեմա։ Իշխանությունը փորձում է ցույց տալ ուժ, վերականգնվող բանակ և պետական վստահություն։ Տեխնիկա, շարքեր, ռազմական պատկերներ։ Ուղերձը պարզ է՝ Հայաստանը թույլ չէ, պետությունը կանգնած է, բանակը վերակազմավորվում է։

Բայց հանրության առաջին արձագանքը բոլորովին այլ է․ եթե սա հաղթանակի զորահանդես է, ուրեմն որտե՞ղ է հաղթանակը։
Ինչու՞ մինչև հիմա նման մասշտաբային ցուցադրություններ չէին արվում։ Ինչու՞ հենց նախընտրական մթնոլորտի ձևավորման ֆոնին է այս ամենը կատարվում։ Շղթայական պարտությունների, կորուստների, կապիտուլյացիայի, հանձնումների և մշտական զիջումների ֆոնին ինչու՞ հանկարծ որոշվեց հաղթական տրամադրությամբ զորահանդես կազմակերպել։ Սա ուժի ցուցադրությո՞ւն, թե նախընտրական համաձայնեցված բեմադրություն է։

Երկրորդ և թերևս ամենազգայուն հարցը վերաբերում է Ադրբեջանի արձագանքին։
Նախկինում Հայաստանի ցանկացած ռազմական հռետորաբանություն, զորավարժություն կամ նոր զինտեխնիկայի հայտարարություն Բաքվում կոշտ արձագանք էր առաջացնում։ Ադրբեջանական մեդիան աղմկում էր, պաշտոնյաները սպառնալիքներ էին հնչեցնում, Ալիևը հայտարարություններ էր անում։

Այս անգամ գրեթե լռություն է։

Եվ հենց այդ լռությունն է մարդկանց մոտ հարցեր առաջացնում։ «Եթե Բաքուն չի բողոքում, ուրեմն համաձայնեցվա՞ծ խաղ է»․ սա այսօր հասարակության մեջ ամենահաճախ հնչող ու ամենատրամաբանական կասկածներից մեկն է։

Եթե այսքան տեխնիկա կա, եթե բանակը վերազինվում է, եթե պետությունը ուժեղ է, ապա ինչո՞ւ վերջին տարիներին հասարակությունը տեսել է միայն կորուստներ, զիջումներ ու մշտական անորոշություն։ Ինչո՞ւ մարդիկ սահմանների մասին լսելիս վստահություն չեն զգում։ Ինչո՞ւ ռազմական շքերթի պատկերները չեն վերածվում անվտանգության զգացողության։
Սա է այսօրվա Հայաստանի գլխավոր հոգեբանական ճգնաժամերից մեկը․ իշխանությունը փորձում է ուժ ցուցադրել, բայց հասարակությունը այդ ուժը չափում է ոչ թե ցուցադրվող տեխնիկայով, այլ կորցրածով, հանձնվածով և չպատասխանված հարցերով։
Իսկ այդ հարցերը շատ են։

Եթե սա հաղթանակի տրամադրություն է, այդ հաղթանակը որտե՞ղ է։
Եթե սա նոր բանակի ցուցադրություն է, ապա այդ բանակի քաղաքական արդյունքը ո՞րն է։
Եթե սա պետական վստահության ազդակ է, ինչո՞ւ մարդիկ ավելի շատ կասկածում են, քան վստահում։
Գուցե հենց դրա համար էլ այս զորահանդեսի շուրջ ամենաշատ քննարկվող թեման ոչ թե ցուցադրվող տեխնիկան է, այլ Ալիևի լռությունը։

Որովհետև քաղաքականության մեջ երբեմն հակառակորդի լռությունն ավելի բարձր է հնչում, քան ցանկացած զորահանդեսի երաժշտություն։ Զորահանդեսի գլխավոր հարցը ոչ թե տեխնիկան է, այլ Ալիևի լռությունն է։

© 2026 Secure News Portal

Source: Hraparak

Hraparak.am

Recent Posts

Ադրբեջանում երկրաշարժ է գրանցվել

Ադրբեջանում երկրաշարժ է գրանցվել Thu, 19 Nov 2026 12:00:50 +0400 Ադրբեջանում․ Շիրվան կայարանից 32 կմ…

18 րոպե ago

Ղրիմի կամուրջը փակվել է հարձակումից հետո

Ղրիմի կամուրջը փակվել է հարձակումից հետո Thu, 19 Nov 2026 12:00:18 +0400 Ղրիմի կամրջի երթևեկությունը…

19 րոպե ago

«Հրապարակ». Դու ի՞նչ կապ ունես մեր մանկապարտեզի հետ

«Հրապարակ». Դու ի՞նչ կապ ունես մեր մանկապարտեզի հետ Thu, 19 Nov 2026 11:45:38 +0400 Նոյեմբերի…

33 րոպե ago

Ողբերգական դեպք` Արմավիրում. փեսան սպանել է աներձագին

Ողբերգական դեպք` Արմավիրում. փեսան սպանել է աներձագին Thu, 19 Nov 2026 11:44:57 +0400 Արմավիրի մարզի…

34 րոպե ago

Պուտինի ավտոշարասյունը մեծ իրարանցում է առաջացրել

Պուտինի ավտոշարասյունը մեծ իրարանցում է առաջացրել Thu, 19 Nov 2026 11:30:09 +0400 Ռուսաստանի նախագահ Վլադիմիր…

49 րոպե ago

Արդարադատությո՞ւն, թե՞ քաղաքական սուբորդինացիա. հարցադրումներ Նասիմի Մուսաևի գործի շուրջ

Արդարադատությո՞ւն, թե՞ քաղաքական սուբորդինացիա. հարցադրումներ Նասիմի Մուսաևի գործի շուրջ Thu, 19 Nov 2026 11:19:19 +0400…

60 րոպե ago