Ընթերցվեց Վարդան Ղուկասյանի ուղերձը․ հիշատակվեց «Գյումրի 2» մոդելը
Sat, 30 May 2026 21:16:24 +0400
Քիչ առաջ «Ուժեղ Հայաստան» դաշինքի՝ Գյումրու Վարդանանց հրապարակում անցկացվող հանրահավաքի ընթացքում, որտեղ հավաքվել են բազմաթիվ քաղաքացիներ, ընթերցվեց ԱԱԾ մեկուսարանում գտնվող Գյումրու քաղաքապետ Վարդան Ղուկասյանի ուղերձը։
Ուղերձում Ղուկասյանը քաղաքացիներին կոչ արեց առաջիկա ընտրություններում աջակցել «Ուժեղ Հայաստան» դաշինքին և նրա առաջնորդ Սամվել Կարապետյանին։ Նա ընդգծեց ազգային միասնության, ինքնիշխանության պահպանման և ընդդիմադիր ուժերի համախմբման կարևորությունը՝ նշելով, որ երկրի համար վճռորոշ պահին անհրաժեշտ է համատեղ ուժերով պաշտպանել պետականությունն ու ազգային արժեքները։ Ղուկասյանը նաև հիշեցրեց «Գյումրի 2» քաղաքական մոդելի մասին՝ կոչ անելով այն կիրառել համապետական ընտրություններին։