«Այդ ուղին ղբերգական ավարտ ունեցավ, ծնունդդ շնորհավոր, Նիկոլ Վովայևիչ»․ Մեդվեդևի «շնորհավորանքը»
Mon, 01 Jun 2026 17:30:57 +0400
Հայաստանի վարչապետ Նիկոլ Փաշինյանը մտադիր չէ լուծել ԵԱՏՄ անդամակցության հարցը, քանի դեռ Երևանը չի կանչվել, հայտարարել է ՌԴ անվտանգության խորհրդի փոխնախագահ Դմիտրի Մեդվեդևը։
Հայաստանի իշխանությունները ցանկանում են շարունակել օգտվել Եվրասիական տնտեսական միության արտոնություններից՝ եկամուտ ստանալով Ռուսաստանից և միավորման այլ երկրներից, մինչև Հայաստանին կկանչեն Եվրամիություն, ընդգծել է նա։
Ռուսաստանի ԱԽ փոխնախագահը ԵԱՏՄ–ում մնալու կամ ԵՄ-ին անդամակցելու հարցով հանրաքվե անցկացնելու կոչից հետո Փաշինյանի արձագանքը համեմատել է Լև Տրոցկու «ո՛չ պատերազմ, ո՛չ խաղաղություն, իսկ բանակը ցրել» ձևակերպման հետ։
«Բառացիորեն այսպես՝ ոչինչ չենք որոշի հանրաքվեով, քանի դեռ մեզ չեն կանչել ԵՄ։ Իսկ հետո, բնականաբար, կվազենք Եվրոպա։ Բայց մինչ այդ կօգտվենք ԵԱՏՄ-ի բոլոր արտոնություններից՝ ճարպկորեն եկամուտ վաստակելով Ռուսաստանից և միության մյուս երկրներից։ Կեցցե՛ք, իհարկե», – գրել է Մեդվեդևը «Մաքս» հարթակում։
Միևնույն ժամանակ նա զգուշացրել է նման դիրքորոշման հետևանքների մասին․ «Բայց պետք է հիշել, որ նշված ձևակերպումը հանգեցրեց նրան, որ Բրեստի խաղաղությունը, այնուամենայնիվ, կնքվեց, բայց արդեն ավելի վատ պայմաններով։ Եվ Տրոցկու ոլորուն ուղին շատ ողբերգական ավարտ ունեցավ նրա համար… Ծնունդդ շնորհավոր, Նիկոլ Վովաևիչ»,- եզրափակել է Ռուսաստանի ԱԽ փոխնախագահը։
Հիշեցնենք` մայիսի 29-ին Աստանայում կայացած գագաթնաժողովի ժամանակ ԵԱՏՄ անդամ երկրների ղեկավարները Հայաստանի վերաբերյալ հայտարարություն ընդունեցին, որում խոսվում է ԵՄ–ին անդամակցելու կամ ԵԱՏՄ–ում մնալու հարցով հնարավորինս շուտ հանրաքվե անցկացնելու մասին։