Բազմաթիվ զոհերի թվում երեխաներ կան․ Ուկրաինայի սարսափելի գիշերը
Tue, 02 Jun 2026 15:00:40 +0400
Վերջին տվյալներով՝ Կիևում գիշերային հարվածների հետևանքով զոհվել է վեց մարդ, վիրավորվել՝ 64-ը, հայտնել է Ուկրաինայի մայրաքաղաքի ռազմական վարչակազմի ղեկավար Թիմուր Տկաչենկոն։
Որոնողական-փրկարարական աշխատանքները շարունակվում են։
Դնեպրում ռուսական հարվածի հետևանքով զոհվել է 11 մարդ, այդ թվում՝ երկու երեխա, և վիրավորվել՝ 37-ը, տեղեկացրել է մարզային արչակազմի ղեկավար Ալեքսանդր Գանժան։ Վեց մարդ դեռևս անհետ կորած է համարվում։
Ուկրաինայի նախագահ Վլադիմիր Զելենսկին արձագանքել է Ռուսաստանի կողմից իրականացված զանգվածային հարձակմանը։
«Մեծածավալ հարձակում և Ռուսաստանի բացարձակ թափանցիկ հայտարարությունը. եթե Ուկրաինան չպաշտպանվի բալիստիկ և այլ հրթիռային հարվածներից, այդ հարվածները կշարունակվեն», – Telegram-ում գրել է Ուկրաինայի նախագահ նա։
Զելենսկին հավելել է, որ Եվրոպային անհրաժեշտ են սեփական հակաբալիստիկ համակարգեր, «որպեսզի այս պատերազմը վերջապես ավարտվի»․ «Եվ մեզ անպայման անհրաժեշտ է Միացյալ Նահանգների օգնությունը Patriot հրթիռներ մատակարարելու հարցում»։
Ուկրաինայի նախագահը նշել է, որ ամենաշատը տուժել է Կիևը։ Ուկրաինայի մայրաքաղաքում զոհվել է չորս մարդ, իսկ 38-ը՝ տեղափոխվել հիվանդանոցներ։
Տուժել են նաև Խարկովը և շրջակա շրջանները, ինչպես նաև Կիևի, Նիկոլաևի, Զապորոժյեի, Պոլտավայի, Սումիի, Չեռնիգովի և Խմելնիցկիի մարզերը։