Նիկոլական քարոզիչն այնքան է ճնշել համագյուղացիներին` նրան մեքենայի տակ են գցել
Tue, 02 Jun 2026 21:15:12 +0400
Մենք տեղեկացանք, որ Նոյեմբերյանի Զորական համայնքում դժբախտ դեպք է պատահել, որի պատճառը հունիսի 7-ի ընտրություններն են: Գյուղում ապրող մի ոստիկան համագյուղացիներին ուղղակի տեռորի է ենթարկել, որ գնան եւ ընտրեն Նիկոլ Փաշինյանին: Այնքան է մարդկանց նեղել ու զզվեցրել, որ ինչպես ասում են` գյուղացիներից մեկին «դավադիտ է արել» եւ վերջինս ուղղակի ավտոմեքենան վարել է նրա վրա` վրաերթի ենթարկել իշխանական տեռորիստին: Ոստիկանը ծանր վնասվածքներ է ստացել, իսկ վրաերթի ենթարկողը կալանավորված է: Զորականի ՔՊ-ական համայնքապետը «Հրապարակի» հետ զրույցում չհերքեց կատարվածը, սակայն ասաց, որ չի կարող մանրամասներ հայտնել դեպքի մասին: Պարզ է, որ իշխանությունը չի ուզենա հանրայնացվի, որ իր ակտիվ քարոզիչը տուժել է ՔՊ-ի օգտին քարոզոչություն անելու պատճառով:
Հարևան Հաղթանակ գյուղի համայնքապետարանի աշխատակիցն ավելի անկեղծ գտնվեց եւ մեզ հետ զրույցում պատմեց Զորականում օրեր առաջ տեղի ունեցած միջադեպի վերը շարադրված մանրամասները:
Մենք նաև տեղեկացանք, որ ոստիկանը տեղափոխվել է Նոյեմբերյանի բժշկական կենտրոն, այս պահին նրա վիճակը կայուն է: