Նիկոլ Փաշինյանը հեռախոսազրույց է ունեցել Էրդողանի հետ․ Էրդողանը պատրաստ է օգնել
Wed, 03 Jun 2026 00:05:56 +0400
Փաշինյանը հեռախոսազրույց է ունեցել Էրդողանի հետ։ Քննարկվել է Անկարայի և Երևանի հարաբերությունների կարգավորման գործընթացը, հայտնում է Թուրքիայի նախագահի գրասենյակը։
Նշվում է, որ հեռախոսազրույցի ընթացքում Հայաստանի վարչապետ Նիկոլ Փաշինյանը շնորհավորել է նախագահ Ռեջեփ Թայիփ Էրդողանին անցած Կուրբան-բայրամ տոնի կապակցությամբ։
Հաղորդվում է, որ քննարկվել են նաև Թուրքիայի և Հայաստանի միջև երկկողմ հարաբերությունների կարգավորման գործընթացը և տարածաշրջանային հարցերը։ Էրդողանը հայտարարել է, որ Թուրքիայի և Հայաստանի հարաբերությունների կարգավորման գործընթացը շարունակվում է՝ ուղղակի առևտրի մեկնարկին ուղղված քայլերի միջոցով։
Էրդողանը նշել է, որ Թուրքիան ջանքեր է գործադրում տարածաշրջանում խաղաղության և կայունության ապահովման համար և միշտ կաջակցի այդ ուղղությամբ ձեռնարկվող քայլերին։