Ես ձեզ համար պատրաստ եմ ցանկացած գին վճարել
Thu, 04 Jun 2026 14:18:20 +0400
«Ուժեղ Հայաստան» կուսակցության առաջնորդ Սամվել Կարապետյանը դստեր հետ հարցուպատասխանի ընթացքում անդրադարձել է իր հասցեին հնչող քննադատություններին՝ դրանք որակելով որպես նախընտրական շրջանի ազդեցություն։
Նա նշել է, որ, իր համոզմամբ, իրեն ուղղված քննադատություններն ու մեղադրանքները ժամանակավոր բնույթ ունեն և շուտով կավարտվեն։
Կարապետյանը նաև ընդգծել է, որ զարմանքով է վերաբերվում այն հանգամանքին, որ ինչպես բիզնեսի, այնպես էլ քաղաքականության ոլորտում հաճախ քննադատություններ են հնչում չկատարված կամ իրեն չվերաբերող գործողությունների համար։
Նրա խոսքով՝ այդ ամենի պայմաններում ինքը պատրաստ է մեծ պատասխանատվություն ստանձնել և վճարել ցանկացած գին՝ իր քաղաքական նպատակների և թիմի համար։
«Ես ձեզ համար պատրաստ եմ ցանկացած գին վճարել»,- նշել է նա: