Մակրոնի «ֆիրմային» ակնոցն արտադրած ընկերությունը սնանկացել է
Thu, 04 Jun 2026 20:30:33 +0400
Ֆրանսիայի նախագահ Էմանուել Մակրոնի հայտնի ակնոցի արտադրող ընկերությունը սնանկացել է մի քանի ամիս անց այն բանից, երբ Մակրոնն այդ ակնոցով հայտնվել էր Դավոսի Համաշխարհային տնտեսական ֆորումին։ Այս մասին հայտնում է BFMTV-ն։
Համաձայն հաղորդման, Dalloz Creations ընկերությունը հանձնվել էր արտաքին կառավարման, այն բանից հետո, երբ վերակառուցման եւ առողջացման ծրագիրը տապալվել էր։ Ընկերությունը լիկվիդացվելու է եւ բոլոր 29 աշխատակիցները մնալու են գործազուրկ։ Ընկերության գույքը հանվելու է վաճառքի։ Dalloz Creations-ը հիմնադրվել էր 1957 թվականին եւ հայտնի էր որպես եվրոպական առաջատար արեւապաշտպան ակնոց արտադրող ընկերություն։