Ռազմական գործողությունները կարող են վերսկսվել․ իրանցի գեներալ
Thu, 04 Jun 2026 21:00:09 +0400
Իրանի եւ Միացյալ Նահանգների միջեւ ռազմական գործողությունների վերսկսումը լիովին հնարավոր է, քանի որ բանակցությունները Թեհրանի եւ Վաշինգտոնի միջեւ հայտնվել են փակուղում։ Այս մասին նախօրեին հայտարարել է Իսլամական Հանրապետության բարձրաստիճան զինվորականներից՝ Իրանի ԶՈՒ Գլխավոր շտաբի ներկայացուցիչ, բրիգադի գեներալ Մոհամադ Ջաֆար Ասադին։
Համաձայն Defapress պարբերականի, գեներալ Ասադին ասել է, որ Միացյալ Նահանգները պահանջում են Իրանից ամբողջական կապիտուլյացիա, իսկ իրանցի ժողովուրդը երբեք անձնատուր չի լինի։ «Առանց կապիտուլյացիայի, անհնար է, որ պատերազմը չվերսկսվի»,- շեշտել է գեներալ Ասադին։ Նա նաեւ հավելել է, որ Իրանը դեռ իր բոլոր հաղթաթղթերը չէ, որ բացել է։ «Կան դեռ շատ հնարավորություններ, որոնք եթե հարկ լինի, մենք կօգտագործենք»,- ասել է նա։