«Հրապարակ». Գավառում տոտալ տեռոր են իրականացրել
Fri, 05 Jun 2026 23:30:15 +0400
Իշխանականները քանի օր է ֆեյսբուքյան իրենց էջերում տարածում են Գավառում անցկացրած քարոզարշավի լուսանկարները եւ հպարտանում հանրահավաքի բազմամարդությամբ։
Գավառից մեզ փոխանցեցին, որ իրականում իշխող ուժը տոտալ տեռոր է իրականացրել հանրահավաքից առաջ, չնայած գաղտնիք չէ, որ բոլոր համայնքներում ՔՊ-ն շրջիկ խմբերով է գնում հանրահավաքի եւ հրահանգում են համայնքապատկան հիմնարկների աշխատակիցներին մասնակցել քարոզարշավին, սակայն կոնկրետ Գավառում դպրոցների, մանկապարտեզների, պոլիկլինիկաների, բուժհաստատությունների եւ մարզպետարանի ու համայնքապետարանի ենթակայությամբ գործող բոլոր հիմնարկների աշխատակիցներին կոշտ հրահանգ են իջեցրել ոչ միայն պարտադիր ներկա լինել Գավառի հանրահավաքին, այլեւ իրենց ընտանիքներից նվազագույնը երեք անդամի ներկայություն ապահովել։ Ավելին, զգուշացրել են, որ հատ-հատ ստուգելու են բոլորին, եթե չկատարեն պահանջը, կազատվեն աշխատանքից։