«Քաղաքացիական պայմանագիր» կուսակցությանը չի բավարարում ընդամենը երկու ձայն՝ երեք հինգերորդ (3/5) մեծամասնություն ունենալու համար։ Այս մասին Facebook–ի իր էջում գրել է ԱԺ նախկին փոխնախագահ Արփինե Հովհաննիսյանը։
Նա, մասնավորապես, նշել է. «
Այս պահին Կենտրոնական ընտրական հանձնաժողովի կողմից ամփոփված արդյունքների, ինչպես նաև մի շարք հաշվարկների և բանաձևերի կիրառման արդյունքում (ազգային փոքրամասնությունների մանդատների բաշխում, ձայների փոշիացում) Ազգային ժողովի մանդատային պատկերը հետևյալն է․
61 մանդատ՝ «Քաղաքացիական պայմանագիր» կուսակցությանը,
28 մանդատ՝ «Ուժեղ Հայաստան» դաշինքին,
11 մանդատ՝ «Հայաստան» դաշինքին և
5 մանդատ՝ «Բարգավաճ Հայաստան» կուսակցությանը։
Այս թվաբանական դասավորության պայմաններում «Քաղաքացիական պայմանագիր» կուսակցությանը չի բավարարում ընդամենը երկու ձայն՝ երեք հինգերորդ (3/5) մեծամասնություն ունենալու համար։
Հորդորում եմ ընդդիմության ներկայացուցիչներին շտապողական ասուլիսներ չհրավիրել՝ հիմնավորելու համար, թե ինչու են վերցնում մանդատները, և չշտապել հայտարարելու, թե իշխանությունը չունի այսքան կամ այնքան։ Մենք բոլորս հիշում ենք նախորդ ընտրություններից հետո հնչած նմանատիպ հայտարարությունները, հիշում ենք նաև, թե հետագայում ովքեր և ինչպես տարբեր քվեարկությունների ժամանակ աջակցեցին «Քաղաքացիական պայմանագիր» կուսակցությանը։
Հետևաբար, որպես բարեկամական խորհուրդ, եթե այս պահին ինչ-որ բանի վրա արժե կենտրոնանալ, ապա դա խորհրդարան անցնող ձեր ցուցակների ամրությունն ու այնտեղ հայտնվող պատգամավորների քաղաքական հուսալիությունն է։
Որովհետև խնդիրը միայն մանդատների այսօրվա բաշխումը չէ․ խնդիրը նաև այն է, թե վաղն այդ նույն մանդատներն ու քվեները որքանով են պահպանելու իրենց քաղաքական պատկանելությունն ու դիրքորոշումը»։
Source: USAArmenia
Ժուկով-ժամանակով մի մարդուկնիկ են լինում․․․ Mon, 24 Aug 2026 17:45:15 +0400 Նիկոլ Փաշինյանը երկիրը վերածել…
Իմ 26 տարվա փորձը չի օգնում խոսել Արմեն Աշոտյանի վերաբերյալ այս նոր գործի մասին. Աթանեսյան…
Կիսելյովը նոր հեղինակային ծրագիր կվարի Mon, 24 Aug 2026 17:30:40 +0400 «Ռոսիա սեգոդնյա» մեդիախմբի գլխավոր…
Աշոտյանի գործով դատավորն ինքնաբացարկ հայտնեց․ ինչ կատարվեց Mon, 24 Aug 2026 17:27:31 +0400 Latest news…
Խելքի եկե՛ք. սափրվելուց հետո Փաշինյանն ամեն ինչ прямо ասել է, ոչ մի կռուտիտ չի արել.…
Անխնա տարածում ենք. Լոռին արձագանքում է մեր հրապարակմանը Mon, 24 Aug 2026 17:15:19 +0400 Երկար…