Դեռ պետք է սպասե՞լ
Mon, 08 Jun 2026 13:55:02 +0400
«Ուժեղ Հայաստան» կուսակցության քաղխորհրդի անդամ Նարեկ Կարապետյանը շնորհակալություն է հայտնել այն քաղաքացիներին, որոնք ընտրությունների ընթացքում աջակցել են քաղաքական ուժին՝ ընդգծելով, որ նրանք պայքարել են մեծ նվիրումով և հաստատակամությամբ։
Կարապետյանն իր խոսքում անդրադարձել է նաև այն անձանց, որոնք, նրա գնահատմամբ, ներկայումս գտնվում են անազատության մեջ։ Նա նշել է, որ նրանց ձերբակալությունները եղել են անօրինական և նպատակ են ունեցել ազդեցություն ունենալ ընտրական գործընթացների վրա։
Քաղաքական գործիչը երախտագիտություն է հայտնել նաև այդ անձանց՝ նշելով, որ նրանց գործունեությունն ու մասնակցությունը կարևոր նշանակություն ունեն երկրի և ժողովրդի համար։
Նարեկ Կարապետյանը տեղեկացրել է, որ «Ուժեղ Հայաստան» կուսակցությունը ընտրությունների արդյունքների վերաբերյալ առավել մանրամասն հայտարարությամբ հանդես կգա վերջնական արդյունքների ամփոփումից հետո։