Միայն ապուշը կարող է մտածել, թե կարող եմ արդարացնել մեկին, ով հայրենիքս հանձնել է
Fri, 12 Jun 2026 13:41:24 +0400
ՀՀ երրորդ նախագահ Սերժ Սարգսյանը լրագրողների հետ հանդիպման ընթացքում անդրադարձել է իր ավելի վաղ հնչեցրած հայտարարությունների շուրջ առաջացած քննադատություններին՝ նշելով, որ իր խոսքերը հաճախ դուրս են բերվում համատեքստից։
Նա ընդգծել է, որ Սահմանադրության փոփոխության վերաբերյալ իր մեկնաբանությունները պետք է դիտարկվեն հենց այդ շրջանակում, և պնդել է, որ որոշ մեկնաբանություններ իր ասածը ներկայացնում են սխալ կամ խեղաթյուրված կերպով։
Սարգսյանի խոսքով՝ իր դիրքորոշումը սխալ մեկնաբանողները կամ չեն հասկացել ասվածի բովանդակությունը, կամ դիտավորյալ են այն այլ կերպ ներկայացրել։
Նա նաև կոշտ ձևակերպումներով քննադատել է այն մեկնաբանությունները, որոնք իրեն վերագրել են այլ դիրքորոշումներ՝ նշելով, որ դրանք չեն արտացոլում իր իրական խոսքը և ընկալումը ստեղծվել է մանիպուլյացիաների արդյունքում։
«Միայն ապուշը կարող է մտածել, թե ես կարող եմ արդարացնել մեկին, ով գիտակցված կապիտուլյացիայի է տարել Հայաստանը, ով հանձնել է իմ հայրենիքը, ով հարձակվել է իմ եկեղեցու վրա և ով իմ երկրի տարածքները թողել է թշնամու կապիտուլյացիայի տակ»,- ասել է նա: