Նարեկ Կարապետյանին արգելել են այցելել այնտեղ
Fri, 12 Jun 2026 13:37:52 +0400
«Ուժեղ Հայաստան» դաշինքի անդամ Նարեկ Կարապետյանը հայտնել է, որ նախատեսված այցը դեպի Վերին Լարս սահմանային անցակետ չի իրականացվել։
Նա նշել է, որ այդ այցելության ընթացքում պետք է տեղում ներկայացնեին սահմանային հատվածում ստեղծված իրավիճակը, մասնավորապես՝ բեռնատարների շուրջ 15 կիլոմետր ձգվող հերթը, որի պատճառով, ըստ նրա, հայկական գյուղմթերքի արտահանումը խոչընդոտվում է։
Կարապետյանի խոսքով՝ սահմանապահ ծառայություններից իրեն տեղեկացրել են, որ այցը չի թույլատրվում, և նրա նկատմամբ կիրառվել են սահմանափակումներ։
Դեպքի վերաբերյալ նա հավելել է, որ նախատեսված էր բարձրաձայնել Վերին Լարսում տիրող խնդիրները, սակայն դա հնարավոր չի եղել սահմանափակումների պատճառով։