Ծառուկյանը Գեյջիին թանկարժեք նվեր է խոստացել Թոփուրիային հաղթելու դեպքում
Sat, 13 Jun 2026 23:15:12 +0400
UFC-ի թեթև քաշային կարգի դասակարգման երկրորդ համար Արման Ծառուկյանը խոստացել է ամենագնաց նվիրել ամերիկացի Ջասթին Գեյջիին, եթե վերջինս կարողանա հաղթել նույն քաշային կարգի անպարտելի չեմպիոն Իլիա Թոփուրիային։ Այս մասին տեղեկանում ենք ArmSport.am-ից։
Այս մենամարտը գլխավորելու է «UFC White House — Freedom 250» մրցաշարը, որը կայանալու է հունիսի 15-ին՝ ԱՄՆ-ի մայրաքաղաք Վաշինգտոնում։
«Ջա՛սթին, եթե հաղթես, քեզ համար նոր «Ram» պիկապ ունեմ: Առա՛ջ», — X-ի իր միկրոբլոգում գրել է հայ մարտիկը:
Նշենք, որ 29-ամյա Ծառուկյանը խառը մենամարտերում (MMA) անցկացրել է 26 գոտեմարտ՝ տոնելով 23 հաղթանակ, որոնցից 15-ը՝ ժամանակից շուտ։ Արմանը կրել է ընդամենը 3 պարտություն։