Իշխանափոխության իրականացման հարցում հետաքրքրված չէ
Tue, 16 Jun 2026 17:00:06 +0400
ԱՄՆ նախագահ Դոնալդ Թրամփը հայտարարել է, որ իր համար Իրանում իշխանափոխություն իրականացնելու հարցը առաջնային կարեւորություն չունի։ Այս մասին հայտնում է The Wall Street Journal-ը։ Պարբերականի հետ զրույցում՝ նախագահ Թրամփն ասել է․ «Ինչ վերաբերվում է իշխանափոխությանը, ապա մենք երբեք չենք հոգացել, որ իշխանություն փոխվի։ Սա արդեն իրանական երրորդ ղեկավարությունն է, որի հետ մենք գործ ենք ունենում եւ առայժմ՝ ամենից ողջամիտը»։
Հիշեցնենք, որ պաշտոնական տեղեկությունների համաձայն, Իրանի եւ Միացյալ Նահանգների միջեւ գործարքի հարցում համաձայնություն է ձեւավորվել եւ առաջիկա հունիսի 19-ին, Ժնեւում տեղի է ունենալու գործարքի ստորագրման արարողությունը։