G7-ի երկրները դաժան որոշում ունեն Ռուսաստանի վերաբերյալ
Wed, 17 Jun 2026 13:30:58 +0400
G7-ի երկրները կմեծացնեն Ռուսաստանի, այդ թվում՝ նրա նավթագազային ոլորտի վրա պատժամիջոցների ճնշումը՝ Ուկրաինայում ստեղծված իրավիճակի պատճառով։ Այս մասին ասվում է Ֆրանսիայում գագաթնաժողովի մասնակիցների կողմից աշխարհաքաղաքական հարցերի վերաբերյալ տարածված համատեղ հայտարարության մեջ։
Փաստաթղթի համաձայն՝ G7 երկրները մտադիր են ընդլայնել Ուկրաինային ցուցաբերվող աջակցությունը՝ ավելացնելով հակաօդային պաշտպանության համակարգերի, հակահրթիռային հրթիռների և հեռահար զենքի մատակարարումը։
Ավելին, քննարկվում է Կիևին լիցենզիաներ տրամադրելու հնարավորությունը, որոնք թույլ կտան նրան ընդլայնել սեփական ռազմական արտադրությունը։
Գագաթնաժողովի մասնակիցները նաև ընդգծել են Ուկրաինայի էներգետիկ համակարգի կայուն գործունեությունը ապահովելու անհրաժեշտությունը և համաձայնել են լրացուցիչ օգնություն ցուցաբերել՝ երկիրը առաջիկա ձմռանը նախապատրաստելու համար։