Ինձ համար դա շատ վիրավորական է

Ինձ համար դա շատ վիրավորական է

Wed, 17 Jun 2026 18:34:06 +0400


Շիրակի թեմի առաջնորդ Գերաշնորհ Տեր Միքայել արքեպիսկոպոս Աջապահյանը դատական նիստի ընթացքում հայտարարեց, որ մոտ օրերս կլրանա իր կալանավորման մեկ տարին, որը նա համարում է ապօրինի։

Աջապահյանի խոսքով՝ այդ ժամանակահատվածը, չնայած ազատազրկմանը, իր կյանքի կարևոր փուլերից մեկն է եղել։ Նա նշեց, որ բացառությամբ առաջին ատյանի դատարանում տեղի ունեցած դատական գործընթացների, մնացած ժամանակը հնարավորություն է տվել մտորումների, աղոթքի և անցած կյանքի վերարժևորման համար։ Հատկապես կարևորեց Բագրատ և Արշակ սրբազանների հետ ունեցած շփումները, իսկ վերջին ամիսներին՝ նաև առանձնության պայմաններում անցկացրած ժամանակը։

Նրա խոսքով՝ դատարանի որոշմամբ սահմանափակվել են իր շփումները, սակայն այդ հանգամանքն օգտագործել է ինքնամփոփ աշխատանքի, հոգևոր կենտրոնացման և սեփական կյանքի վերաիմաստավորման համար։ Աջապահյանը հայտարարեց, որ ցանկանում է իր աջակիցներին փոխանցել՝ այս շրջանը, անկախ դժվարություններից, իր համար եղել է արժեքավոր փորձառություն։

Միևնույն ժամանակ նա ընդգծեց, որ չի պատրաստվում երախտագիտություն հայտնել այն անձանց, որոնք, իր համոզմամբ, ստեղծել են այս իրավիճակը սեփական նպատակների համար։ Աջապահյանի կարծիքով՝ այդ մարդիկ պատասխանատվություն են կրելու իրենց գործողությունների համար՝ եթե ոչ օրենքի, ապա Աստծո առաջ։

Շիրակի թեմի առաջնորդը կրկին պնդեց, որ իր նկատմամբ առաջադրված մեղադրանքներն անհիմն են։ Նա հայտարարեց, որ չի ընդունում մեղադրանքի որևէ դրվագ, իրեն մեղավոր չի ճանաչում և չի ճանաչելու։ Աջապահյանի խոսքով՝ ինքը որևէ հանցանք չի կատարել և ամբողջ կյանքում ծառայել է Հայաստանի Հանրապետությանը։

Նա նաև ընդգծեց, որ վիրավորական է համարում այն հանգամանքը, որ այսօր դատվում է Հայաստանի Հանրապետության անունից իրականացվող գործընթացի շրջանակում, մինչդեռ իրեն մշտապես համարել է անմեղ և հավատարիմ պետության շահերին։

«Իմ ամբողջ կյանքը եղել է նվիրում ՀՀ-ին և ինձ համար պարզապես վիրավորական է, որ ես դատվում եմ «հանուն» Հայաստանի Հանրապետության»,- ասել է նա:

© 2026 Secure News Portal

Source: Hraparak

Hraparak.am

Recent Posts

4 ամիս կկարողանան ռուսական նավթ գնել

4 ամիս կկարողանան ռուսական նավթ գնել Tue, 17 Nov 2026 23:55:31 +0400 Սլովակիան ամերիկյան վարչակազմից…

6 ժամ ago

«Ես դեռ երեխա եմ». Մակրոնը խոստովանել է, որ հոգեբանորեն կախված է տարիքով մեծ կանանցից

«Ես դեռ երեխա եմ». Մակրոնը խոստովանել է, որ հոգեբանորեն կախված է տարիքով մեծ կանանցից Tue,…

6 ժամ ago

Մարդիկ, ովքեր հեռու են բարոյականությունից, հանկարծ սկսել են բարոյականության դասեր տալ․ Տեր Պսակ

Մարդիկ, ովքեր հեռու են բարոյականությունից, հանկարծ սկսել են բարոյականության դասեր տալ․ Տեր Պսակ Tue, 17…

7 ժամ ago

Չկորցնենք մարդ լինելու, սգալու, ընդվզելու, ափսոսելու, պայքարելու մեր ունակությունը

Չկորցնենք մարդ լինելու, սգալու, ընդվզելու, ափսոսելու, պայքարելու մեր ունակությունը Tue, 17 Nov 2026 23:32:51 +0400…

7 ժամ ago

Ականազերծման համար փող են հատկացրել

Ականազերծման համար փող են հատկացրել Tue, 17 Nov 2026 23:30:43 +0400 Նիդերլանդները, Նորվեգիան, Եվրամիությունն ու…

7 ժամ ago

Վենսը հայտարարել է ԱՄՆ-ում էլեկտրաէներգիայի հնարավոր անջատումների նախապատրաստական ​​աշխատանքների մասին

Վենսը հայտարարել է ԱՄՆ-ում էլեկտրաէներգիայի հնարավոր անջատումների նախապատրաստական ​​աշխատանքների մասին Tue, 17 Nov 2026 23:23:56…

7 ժամ ago