Արցախի մշակույթն անտեր է մնացել

Արցախի մշակույթն անտեր է մնացել

Thu, 18 Jun 2026 17:45:18 +0400


«Արցախի արվեստագործների միություն» ՀԿ-ն, որն անվճար ուսուցում է ապահովում շուրջ 200 երեխայի և կանանց համար, ֆինանսավորման խնդիր ունի։ Կենտրոնը գործում է Երևանի Արտաշեսյան 46 հասցեում և աշխատում է անվճար՝ բարեգործական հիմունքներով։ ՀԿ-ի տնօրեն Իռա Թամրազյանը մեզ հետ զրույցում ասաց․ «Մեր կառույցը գործել է նաև Արցախում, մինչև 2023թ-ը կոչվում էր «Հադրութի ստեղծագործական կենտրոն», դրանից հետո մենք վերաբացվեցինք «Արցախի արվեստագործների միություն» ՀԿ անվամբ։ Մենք միաժամանակ աշխատում ենք և կանանց, և երիտասարդների հետ։ Եթե մինչև 2023թ-ը աշխատել ենք միայն երեխաների հետ և ունեցել ենք նաև մարզերում մասնաճյուղներ, ապա 2023-ից հետո ունենք նաև կանանց մեծ խմբեր, որոնց համար կազմակերպել ենք տարբեր ստեղծագործական աշխատանքների դասավանդումներ և ունենք արդեն կայացած վարպետներ։ Մարզերում էլ ունենք մասնաճյուղեր, որոնցում գործում է գորգի, կարպետի ասեղնագործության խմբակներ»։

Դասավանդողները կամավորական հիմունքներով են աշխատում․ «Դասավանդող խումբը նույն «Հադրութի ստեղծագործական կենտրոնի» բազայի հիման վրա է։ Մենք Հադրությում տասնամյակներով եղել ենք որպես ՊՈԱԿ, 2021թ. հունվարին Երևանում և Ստեփանակերտում վերաբացվել ենք, մինչև 2023-ը Արցախի կառավարությունը մեզ ֆինանսավորել է, մենք ունեցել ենք աշխատավարձ, իսկ հիմա հատուկ ֆինանսավորում չկա։ Մեծ խմբերը, որ գալիս են մեզ մոտ, հարցնում են, թե ինչպես օգնեն, օրինակ Ժողարվեստների թանգարանից առաջարկեցին ծրագիր անել Արցախի կանանց հետ, նյութերը իրենք առան, մեր վարպետին 3 ամիս աշխատավարձ տվեցին, գոնե վարպետը 3 ամիս իր ընտանիքը կկարողանա պահել, իսկ մենք ընդհանրապես անվճար ենք անում էդ ամեն ինչը։ Մենք պետական որևէ ֆինանսավորում չունենք։ Հիմա մեզ ժամանակ առ ժամանակ օգնում է Թեքեյան կենտրոնը, որ մի բան է լինում, խնդրում ենք` իրենք օգնեն։ Հիմա այս ամիս տարածքի վարձը տալու հնարավորություն էլի չունենք, պիտի զանգեմ խնդրեմ, տեսնեմ` ով կարող է մեզ օգնել։ Եթե այսպես շարունակվի, ես ինչքա՞ն կարող եմ մարդկանց խնդրել, որ օգնեք տարածքի վարձակալության գումարը տանք, դե աշխատավարձը հնարավոր չէ»։

Բայց իրենց երբեմն տարբեր միջոցառումների են հրավիրում, օրինակ Թանգարանների միջազգային օրը Սարդարապատի թանգարանը ցուցադրել է նաև իրենց կենտրոնի աշխատանքները, որտեղ ներկայացրել են Արցախի մշակույթը։ Օրեր առաջ Գյումրիի միջոցառմանն են Արցախյան տաղավար ունեցել։

© 2026 Secure News Portal

Source: Hraparak

Hraparak.am

Recent Posts

Բողոքի վերջին ցույցերին մասնակցել է ավելի քան ութսուն հազար մարդ

Բողոքի վերջին ցույցերին մասնակցել է ավելի քան ութսուն հազար մարդ Sun, 22 Nov 2026 19:00:51…

20 րոպե ago

Արամ Ա Վեհափառ Հայրապետը հանդիպել է Ժոզեֆ Աունի հետ

Արամ Ա Վեհափառ Հայրապետը հանդիպել է Ժոզեֆ Աունի հետ Sun, 22 Nov 2026 18:56:06 +0400…

25 րոպե ago

Հայաստանը խոպան չէ. «Ուրարտու»-ի նախկին գլխավոր մարզիչը՝ Ջորկաեֆի ՀՖՖ նախագահի թեկնածու առաջադրվելու մասին

Հայաստանը խոպան չէ. «Ուրարտու»-ի նախկին գլխավոր մարզիչը՝ Ջորկաեֆի ՀՖՖ նախագահի թեկնածու առաջադրվելու մասին Sun, 22…

36 րոպե ago

ԽԾԲ-ն այս անգամ էլ եկավ առաջին պլան

ԽԾԲ-ն այս անգամ էլ եկավ առաջին պլան Sun, 22 Nov 2026 18:35:15 +0400 Դենիս Ջոռկայեֆի…

46 րոպե ago

Ռուսաստանը ուկրաինական կամուրջներին 109 հարված է հասցրել․ Վլադիմիր Զելենսկի

Ռուսաստանը ուկրաինական կամուրջներին 109 հարված է հասցրել․ Վլադիմիր Զելենսկի Sun, 22 Nov 2026 18:30:26 +0400…

50 րոպե ago

Տաշքենդում կայացած Our Generation մրցույթում Հայաստանի ներկայացուցիչ Լեոն զբաղեցրել է 2-րդ տեղը

Տաշքենդում կայացած Our Generation մրցույթում Հայաստանի ներկայացուցիչ Լեոն զբաղեցրել է 2-րդ տեղը Sun, 22 Nov…

1 ժամ ago