Փաշինյանի գործողությունները կանխարգելելու համար, իսկապես, դրա կարիքն ունենք
Mon, 22 Jun 2026 18:16:17 +0400
«Նժար» սահմանադրական շարժման համահիմնադիր և «Բոլորին դեմ եմ» կուսակցության վարչապետի թեկնածու Նինա Կարապետյանցը անդրադարձել է «Ուժեղ Հայաստան» դաշինքի առաջնորդ Սամվել Կարապետյանի՝ ընդդիմադիր ուժերի միավորման վերաբերյալ հայտարարությանը։
Նրա խոսքով՝ կարևոր է, որպեսզի ձևավորվող քաղաքական հարթակը չվերածվի սահմանափակ շրջանակի մարդկանց միավորման, որտեղ գերակշռեն նույն մոտեցումներն ու շահերը։ Կարապետյանցը նշել է, որ երկրում առկա իրավիճակը պահանջում է արմատական փոփոխություններ և լայն համախմբում։
Նա ընդգծել է, որ վարչապետ Նիկոլ Փաշինյանի հետագա քայլերը կարող են նոր մարտահրավերներ ստեղծել հասարակության համար, ինչի հետևանքով քաղաքացիներն ավելի հստակ կընկալեն երկրի առջև ծառացած վտանգները։
Կարապետյանցի գնահատմամբ՝ այդ զարգացումները կանխելու և արդյունավետ հակազդելու համար անհրաժեշտ է, որ ընդդիմադիր ուժերը հանդես գան միասնական դիրքերից։ Նա նաև նշել է, որ հասարակությանը պետք է ներկայացվեն այնպիսի քաղաքական փոփոխություններ և լուծումներ, որոնք թույլ կտան բացառել նախկին սխալների կրկնությունը և ապագայում կանխել նմանատիպ իշխանությունների վերարտադրությունը։
«Նիկոլ Փաշինյանի գործողությունները կանխարգելելու համար, մենք իսկապես միասնական ճակատով հանդես գալու կարիք ունենք»,- նշել է նա: