Կփոխեն Սահմանադրությունը՝ նախագահին հրաժարական պարտադրելու համար
Tue, 23 Jun 2026 17:30:01 +0400
Հունգարիայում մշակում են նոր Սահմանադրություն, որը հաստատվելու է համաժողովրդական հանրաքվեով։ Նպատակը՝ այդ երկրի նախագահ Թամաշ Շույոկին հրաժարական պարտադրելն է, ով հանդիսանում է Վիկտոր Օրբանի ժամանակ ընտրված եւ այժմ ընդունելու չէ նոր վարչապետ Պետեր Մագյարի կառավարության համար։ Նոր Սահմանադրության մշակման մասին հայտարարել է վարչապետ Պետեր Մագյարը։ Գործընթացը մեկնարկում է սեպտեմբերից։ Նաեւ՝ իրականացվելու է սահմանադրական փոփոխություն, նախքան նոր Սահմանադրության ընդունումը, որը հնարավորություն կտա հեռացնելու ասպարեզից նախագահ Թամաշ Շույոկին։
Մագյարը ասել է նաեւ, որ առաջիկա հինգ տարվա համար Հունգարիայում նոր նախագահ կընտրվի։ Հունիսի 20-ին նախագահը ստորագրել էր Սահմանադրական ուղղում, որը սահմանափակում է վարչապետի՝ այդ պաշտոնին գտնվելու ժամանակահատվածը։ Սահմանադրական դատարանը գտել էր, որ դա չի սահմանափակում ընտրական պրոցեսները եւ համապատասխանում է երկրի մայր օրենքին։ Այսպիսով, վարչապետը չի կարող գտնվել պաշտոնում ավելին, քան ութ տարին։