Առաջին անգամ մասնակցել են լազերային զենքի փորձարկման
Wed, 24 Jun 2026 19:00:32 +0400
Պենտագոնի ղեկավարությունը պատմության մեջ առաջին անգամ ներկա է գտնվել լազերային զենքի փորձարկմանը։ Այս մասին հայտնում է Axios պարբերականը։ Փորձարկմանը մասնակցել են մասնավորապես՝ Պենտագոնի ղեկավար Փիթ Հեգսեթը, Տեխնիկական տնօրեն Էմիլ Մայլքը։
Փորձարկումները տեղի են ունեցել Նյու-Մեքսիկո նահանգի՝ լազերային եւ միկրոալիքային սպառազինությունների մշակման ռազմակայանում։ Փորձարկվել է AeroVironment ընկերության LOCUST լազերային զինատեսակը։ Զենքը կարող է ուղղորդել 20 կիլովատտ հզորությամբ էներգիա եւ դիտարկվում է որպես դրոնների դեմ պայքարի բավականին հուսալի եւ ոչ թանկարժեք տարբերակ։