Կրքերը չեն հանդարտվում
Thu, 25 Jun 2026 15:30:22 +0400
Սպիտակ տան՝ Աշխարհի գավաթի կազմակերպման աշխատանքային խմբի ներկայացուցիչը մեկնաբանել է Իրանի ֆուտբոլի ֆեդերացիայի հայտարարությունները, որոնք վերաբերում էին ազգային հավաքականի՝ ԱՄՆ մեկնելու ընթացքում առաջացած դժվարություններին։
Իրանական կողմը հայտնել էր, որ թիմը մեկնելուց առաջ օդանավակայանում բախվել է որոշ խոչընդոտների։ Սակայն Սպիտակ տան ներկայացուցիչը հերքել է այդ պնդումները՝ նշելով, որ հավաքականի ճանապարհորդությունը կազմակերպվել է նախատեսված ժամանակացույցի համաձայն։
Նրա խոսքով՝ Իրանի հավաքականը ոչ միայն խնդիրների չի բախվել, այլև ժամանել է նախատեսված ժամից մի քանի րոպե շուտ։
Իրանի և Եգիպտոսի ազգային հավաքականների հանդիպումը կկայանա հունիսի 27-ին Սիեթլի «Լումեն Ֆիլդ» մարզադաշտում։ Խաղի մեկնարկը նախատեսված է Երևանի ժամանակով ժամը 05:00-ին։ Ավելի վաղ հայտարարվել էր, որ իրանցի ֆուտբոլիստները կկարողանան ԱՄՆ ժամանել հանդիպումից երկու օր առաջ։
Աշխարհի առաջնության խմբային փուլի նախորդ երկու տուրերում Իրանի հավաքականը գրանցել է ոչ-ոքիներ։