Վենեսուելայի երկրաշարժի հետևանքով երկու հայ ընտանիքների տներ են ավերվել
Thu, 25 Jun 2026 21:04:50 +0400
Արամ Ա Վեհափառ Հայրապետը ուշադրությամբ հետևում է Վենեսուելայի երկրաշարժի հետևանքով հայ համայնքի առջև ծառացած դժվարություններին։ Հայտնում են Մեծի Տանն Կիլիկիո Կաթողիկոսությունից։
Սրբազան հոր փոխանցած տեղեկությունների համաձայն՝ երկրաշարժը սարսափելի ցնցում է առաջացրել, իսկ նյութական և մարդկային վնասները բազմաթիվ են։ Մինչ այժմ բնակչության շրջանում շարունակում են տիրել վախն ու անորոշությունը։ Երկրաշարժի հետևանքով, ցավոք, երկու հայ ընտանիքների տներ ավերվել են, ինչպես նաև կան մի քանի վիրավոր և անհետ կորած հայորդիներ։