Սուրենավանի մանկապարտեզի տնօրենին ստիպում են ազատման դիմում գրել
Fri, 26 Jun 2026 12:55:06 +0400
Մեր տեղեկություններով` «Սուրենավան բնակավայրի մանկապարտեզ» ՀՈԱԿ-ի տնօրեն Անի Պողիկյանին Արարատի համայնքապետարանից կանչել են ու ճնշումներ են գործադրում, որպեսզի վերջինս աշխատանքից ազատման դիմում գրի։ Բանն այն է, որ վերջինիս ամուսնը դաշնակցական է և ԱԺ ընտրությունների ժամանակ սատարել է «Հայաստան» դաշինքին։
Մանկապարտեզի տնօրենն էլ, ըստ լուրերի, իշխանության համակիր չէ եւ մասնավոր զրույցներում հայտնել է այդ մասին, ինչն էլ հասել է տեղական իշխանություններին եւ որոշել են հաշվեհարդար լինել տնօրենի հետ։ Պողիկյանը աշխաանքից ազատման դիմումը դեռեւս չի գրել, սակայն, մեր աղբյուրի փոխանցմամբ, ճնշումն այնքան մեծ է, որ չի կարող դիմադրել եւ առաջիկա օրերին «սեփական» դիմումի համաձայն կազատվի աշխատանքից։