Լիբանանին աջակցելու համար կոալիցիա կստեղծեն
Sat, 27 Jun 2026 18:30:15 +0400
Իտալիան ու Ֆրանսիան պայմանավորվել են ստեղծել կոալիցիա՝ Լիբանանին՝ ՄԱԿ Ժամանակավոր Ուժերի գործողությունների ժամկետի ավարտից հետո աջակցելու համար։ Այս մասին հայտարարել է Իտալիայի վարչապետ Ջորջիա Մելոնին։
Հիշեցնենք, որ ՄԱԿ առաքելության գործողության ժամկետն ավարտվում է այս տարվա վերջին։ Պայմանավորվածությունը ձեռք է բերվել ֆրանսիական Անթիբեում տեղի ունեցած ֆրանկո-իտալական երկկողմ համաժողովի ժամանակ։ Առաջիկայում նախատեսվում է Լիբանանի հարցով անցկացնել միջազգային կոնֆերանս։ Հիմնական խնդիրը լինելու է նման կարեւոր երկրամասում անվտանգության երաշխավորումը։ Հիշեցնենք, որ Լիբանանում ՄԱԿ առաքելությունը ստեղծվել է 1978 թվականին՝ իսրայելական ներխուժումից հետո՝ ՄԱԿ Անվտանգության խորհրդի մանդատի հիման վրա։