Թուրքիան կրակի «ճիրաններում» է․ ինչ է հայտնի
Tue, 30 Jun 2026 13:00:52 +0400
Թուրքիայի արևմուտքում և հյուսիսարևմտյան շրջանում հրդեհներ են մոլեգնում. Իզմիրի և Բուրսայի նահանգներում գյուղատնտեսական հողերը բռնկած հրդեհը քամու պատճառով արագ տարածվել է թփուտներով և անտառապատ տարածքներով գոտիների վրա։
Երկու նահանգներում էլ անտառային ծառայությունները միաժամանակյա պայքար են տանում օդից և ցամաքից՝ հրդեհը վերահսկողության տակ վերցնելու համար։
Տեղական իշխանությունների տվյալներով՝ ուժեղ քամու պատճառով կրակը արագ տարածվել է անտառածածկ տարածքում և մոտեցել բնակելի թաղամասերին։
Հրդեհի դեմ պայքարի աշխատանքներին 7 ինքնաթիռ, 8 ուղղաթիռ, 35 հրշեջ մեքենա, 4 բուլդոզեր և բազմաթիվ հրշեջ-փրկարարական հաշվարկներ են ներգրավվել։ Հրդեհաշիջման աշխատանքները շարունակվում են ինչպես օդից, այնպես էլ ցամաքից։