Հայտնի հաղորդավարին հեռացրել են եթերից
Wed, 01 Jul 2026 18:30:27 +0400
Ռուսաստանի Պետական Դումայում առաջարկել են վերանայել հաղորդավար Մարատ Բաշարովի մասնակցությունը ֆեդերալ հեռուստատեսության նախագծերում մասնակցությունից։ Պատճառը՝ Բաշարովի հասցեին ընտանեկան բռնության հետ կապված հնչող լուրջ մեղադրանքներն են։
Հաղորդավարին եթերից զրկելու առաջարկով նամակը «Գազպրոմ Մեդիա»-ին, «ՏՆՏ»-ի եւ «Պյատնիցա»-ի ղեկավարությանը ուղարկել է Պետական Դումայի պատգամավոր Քսենյա Գորյաչեւան։ «Տնային բռնությունը չպետք է մնա առանց հետեւանքների։ Եւ այդ հետեւանքները ոչ միայն պետք է լինեն իրավական պատասխանատվության տեսքով՝ այլ նաեւ հանրային վերաբերմունքի՝ նրանց հանդեպ, ովքեր նման բռնություն են գործադրել։ Չի կարելի կարծել, թե եթե մի քանի տարի անցել է, ապա ամեն բան մոռացվել է»,- ասված է նամակում։ Գորյաչեւան նաեւ ասել է, որ արդեն 80 հազար մարդ ստորագրել է ստորագրահավաքը, որը պահանջում է Բաշարովին հեռացնել դաշնային եթերից։ Սա նկատի առնելով նաեւ՝ պատգամավորն առաջարկել վերոնշյալ ՀԸ-ներին անդրադառնալ, թե որքանով է նպատակահարմար Բաշարովին եթերում թողնելը։Բաշարովը բազմաթիվ անգամներ է աչքի ընկել ընտանեկան կամ տնային բռնության հետ կապված սկանդալներում։ Նրա երկու նախկին կանայք նրան արդեն պաշտոնապես մեղադրանք են առաջադրել տնային բռնության գործադրման համար։