«Իսկ Դուք ինչու եք եկել». իրավիճակը լարվեց
Thu, 02 Jul 2026 12:10:56 +0400
Ազգային ժողովի արտահերթ նիստի ընթացքում իշխանության և ընդդիմության ներկայացուցիչների միջև տեղի ունեցավ սուր բանավեճ։
ՔՊ խմբակցության պատգամավոր Ծովինար Վարդանյանը, մոտենալով ամբիոնին, հետաքրքրվեց, թե ինչու է ընդդիմությունը մասնակցում նիստին՝ նշելով, որ արդեն սովոր էին նրանց բացակայությանը։
Նրա հայտարարությանը պատասխանեց «Հայաստան» խմբակցության պատգամավոր Արծվիկ Մինասյանը՝ քննադատելով նման մոտեցումը։ Նա նշեց, որ իշխանությունը չի կարող որոշել, թե ով պետք է մասնակցի նիստերին և ով՝ ոչ, հավելելով, որ նման տրամաբանությամբ կարող են փորձել կարգավորել նաև մարդկանց առօրյա ընտրությունները։
Քննարկմանը միջամտեց նաև Ազգային ժողովի նախագահ Ալեն Սիմոնյանը։ Նա ընդգծեց, որ Ծովինար Վարդանյանը ժողովրդի կողմից ընտրված պատգամավոր է և ներկայացնում է այն քաղաքական ուժը, որը, նրա խոսքով, երկու անգամ հաղթել է ընդդիմությանը ընտրություններում։ Սիմոնյանը Մինասյանին կոչ արեց պահպանել կոռեկտության սահմանները։
Դրան ի պատասխան՝ Մինասյանը նույն հարցն ուղղեց ԱԺ նախագահին՝ հետաքրքրվելով, թե ինչու է նա եկել նիստին։