Կվերցնի մանդատը, թե ոչ
Fri, 03 Jul 2026 13:04:38 +0400
ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը լրագրողների հետ զրույցում անդրադարձել է Ալեն Սիմոնյանի՝ պատգամավորական մանդատը չվերցնելու որոշմանը։
Քոչարյանը նշել է, որ ցավում է այդ որոշման համար՝ ընդգծելով, որ արտահերթ ընտրություններից հետո Սիմոնյանը, զբաղեցնելով Ազգային ժողովի նախագահի պաշտոնը, պատշաճ կերպով իրականացրել է իր պարտականությունները և ապահովել խորհրդարանի օրակարգի բնականոն աշխատանքը։
Անդրադառնալով իր քաղաքական հետագա քայլերին՝ Քոչարյանը հայտնել է, որ պատրաստվում է վերցնել պատգամավորական մանդատը։ Միաժամանակ նա չի բացառել, որ այլ առաջարկների դեպքում կարող է քննարկել հետագա անելիքները և ընտրել գործունեության համապատասխան ուղղությունը։