Չկա մի նահատակ, որ նահատակվել է Արցախում, բայց դա չի եղել հանուն Հայաստանի․ Քրիստինե Վարդանյան
Fri, 03 Jul 2026 22:15:45 +0400
«Հայաստան» խմբակցության պատգամավոր Քրիստինե Վարդանյանը գրում է․
«Եթե Հայաստանը հիմա կա այս սահմաններով, այսպիսի բնակչության համամասնությամբ դա Արցախյան շարժման արդյունք է։ Մենք սխալվել ենք մեր անվտանգության հարցը լոկալիզացնելով ու խոսույթ ստեղծելով, որ զրկանքներ ենք կրում Արցախի համար։ Դա եղել է Հայաստանի համար։
Չկա մի նահատակ, որ նահատակվել է Արցախում, բայց դա չի եղել հանուն Հայաստանի։ Ու հենց այս կոնտեքստում պարզ է դառնում, որ բոլորիս անվտանգության հարցը լուծելու համար ամենածանր գինը վճարել են արցախցիները՝ կրելով պատերազմների առաջին և ամենաուղիղ հարվածները»։