Վենեսուելայում տեղի ունեցած կրկնակի երկրաշարժի հետևանքով զոհվածների թիվը հասել է 2 954-ի։ Այս մասին, ինչպես փոխանցում է ՌԻԱ Նովոստին, նշված է երկրի հաղորդակցության և տեղեկատվության նախարարության (MIPPCI) ամփոփագրում։
«2954 զոհ, 16 592 վիրավոր։ Փրկվել է 6462 մարդ»,-ասված է հրապարակման մեջ։
Հարավամերիկյան երկրում անօթևան է մնում 16 309 մարդ։ Օգնություն է ցուցաբերվել 83 793 ընտանիքի, բժշկական օգնություն է ստացել 22 445 տուժած։
Իշխանությունների տվյալներով՝ վնասվել են հարյուրավոր շենքեր, 190-ը ամբողջությամբ փլուզվել են։ Անտուն մնացած քաղաքացիների տեղավորման համար բացվել է 80 ժամանակավոր ճամբար։
Աղետի հետևանքների վերացման աշխատանքներին մասնակցում է 3 281 օտարերկրյա փրկարար և Վենեսուելայի տարբեր ծառայությունների 29 567 աշխատակից, ինչպես նաև 26 984 գրանցված կամավոր։
Հիշեցնենք, որ հունիսի 24-ին Վենեսուելայում հզոր ստորգետնյա ցնցումների երկու ալիք էր գրանցվել։ ԱՄՆ Երկրաբանական ծառայության գնահատմամբ՝ առաջինի մագնիտուդը կազմել էր 7․2, իսկ երկրորդինը՝ 7․5։

Ավելի վաղ հայտնի էր դարձել, որ երկրաշարժերի հետևանքով տուժել են նաև հայեր․ հաղորդվել էր նաև մեր հայրենակիցների շրջանում նաև անհետ կորածների մասին։