Արտակարգ․ Մարդատար ավտոմեքենաներ տեղափոխող բեռնատար է այրվել
Sun, 05 Jul 2026 17:15:34 +0400
Հուլիսի 4-ին՝ ժամը 15։43-ին, Սյունիքի մարզային օպերատիվ կառավարման կենտրոն ահազանգ է ստացվել, որ Վերին Խոտանան տանող ավտոճանապարհին այրվում է բեռնատար․ այս մասին հայտնում է Փրկարար ծառայությունը:
Դեպքի վայր են մեկնել ՆԳՆ ՓԾ մարզային փրկարարական վարչության օպերատիվ խումբը, հրշեջ-փրկարարական ջոկատից երեք և Աղվանիի հենակետից մեկ մարտական հաշվարկ:
Պարզվել է, որ Կապան-Երևան ավտոճանապարհի 17-րդ կմ-ին այրվում է Scania մակնիշի կցորդով ավտոքարշակ՝ բեռնված 8 մարդատար ավտոմեքենայով։
Հրդեհը մեկուսացվել է ժամը 16։44-ին, մարվել՝ 18։06-ին։
Այրվել են բեռնատարը, բեռնված 8 ավտոմեքենայից չորսը՝ ամբողջությամբ, 2՝ մասամբ։